قازاقستاندا 21 جاسقا تولماعاندارعا ەنەرگەتيكالىق سۋسىندار ساتىلماۋى مۇمكىن

سەنات كۋلۋارىندا دەنساۋلىق ساقتاۋ ۆيتسە-ءمينيسترى تيمۋر سۇلتانعازيەۆ قازاقستاندا 21 جاسقا تولماعان تۇلعالارعا ەنەرگەتيكالىق سۋسىنداردى ساتۋعا تىيىم سالۋ جوسپارىن راستادى.

العاش رەت مۇنداي ۇسىنىستى بىلتىر دەنساۋلىق ساقتاۋ ءمينيسترى قىزمەتىن اتقارعان اجار عينيات ايتقان بولاتىن. ول 21 جاسقا دەيىنگىلەرگە ەنەرگەتيكالىق سۋسىندارعا تىيىم سالۋدى جاستاردىڭ دەنساۋلىعىنا زيان دەپ ءتۇسىندىردى.

بۇگىن دەنساۋلىق ساقتاۋ ۆيتسە-ءمينيسترى تيمۋر سۇلتانعازيەۆ مۇنداي تىيىمدى ەنگىزۋ جوسپارىنان باس تارتپاعانىن راستادى. «ەنەرگەتيكالىق سۋسىندار اسىرەسە وسكەلەڭ ۇرپاق ءۇشىن زياندى, وسىعان بايلانىستى 21 جاسقا تولماعان تۇلعالارعا شەكتەۋ (ساتىلىم – اۆت. ەسك.) ەنگىزىلەدى. بۇدان بولەك, ءبىز ۆەندينگ اپپاراتتارىندا ساتۋعا جانە جارناماعا تىيىم سالۋ نورماسىن قولداپ جاتىرمىز», — دەدى سپيكەر.

سۇلتانعازيەۆ الداعى ۋاقىتتا قازاقستاندا ەنەرگەتيكالىق سۋسىندارعا, سونداي-اق قۇرامىندا قانت بار ونىمدەرگە سالىقتى كوتەرۋدى دە جوسپارلانعانىن ايتتى.