Qazaqstanda 21 jasqa tolmaǵandarǵa energetıkalyq sýsyndar satylmaýy múmkin

Senat kýlýarynda densaýlyq saqtaý vıe-mınıstri Tımýr Sultanǵazıev Qazaqstanda 21 jasqa tolmaǵan tulǵalarǵa energetıkalyq sýsyndardy satýǵa tyıym salý josparyn rastady.

Alǵash ret mundaı usynysty byltyr Densaýlyq saqtaý mınıstri qyzmetin atqarǵan Ajar Ǵınııat aıtqan bolatyn. Ol 21 jasqa deıingilerge energetıkalyq sýsyndarǵa tyıym salýdy jastardyń densaýlyǵyna zııan dep túsindirdi.

Búgin densaýlyq saqtaý vıe-mınıstri Tımýr Sultanǵazıev mundaı tyıymdy engizý josparynan bas tartpaǵanyn rastady. «Energetıkalyq sýsyndar ásirese óskeleń urpaq úshin zııandy, osyǵan baılanysty 21 jasqa tolmaǵan tulǵalarǵa shekteý (satylym – avt. esk.) engiziledi. Budan bólek, biz vendıng apparattarynda satýǵa jáne jarnamaǵa tyıym salý normasyn qoldap jatyrmyz», — dedi spıker.

Sultanǵazıev aldaǵy ýaqytta Qazaqstanda energetıkalyq sýsyndarǵa, sondaı-aq quramynda qant bar ónimderge salyqty kóterýdi de josparlanǵanyn aıtty.