Jańalyqtar
Qazaqstanda ákimder mektebi qurylmaq
Foto: ashyq derekkóz
Qasym-Jomart Toqaev 28 qańtarda ótken úkimettiń keńeıtilgen otyrysynda jergilikti ákimderdiń biliktiligin arttyrý týraly aıtty, dep habarlaıdy qandastar.kz
Memleket basshysy ákimderdi tikeleı saılaýdy engizý memlekettik qyzmetshilerdiń jańa sanaty – saılanatyn basshylar sanatynyń paıda bolýyna ákelgenin atap ótti. Bul 2,5 myńnan astam menedjer.
«Olardyń arasynda buryn memlekettik qyzmette jumys istemegen azamattar, sonyń ishinde jastar kóp. Sol sebepti saılanǵan ákimder men túrli deńgeıdegi basshylardy keshendi daıyndyqtan ótkizý máselesi óte ózekti bolyp tur. Úkimetke Memlekettik qyzmet isteri agenttigimen birlesip, «Ákimder mektebi» oqytý jobasyn iske qosýdy tapsyramyn. Bul rette osyndaı jumysty júrgizip jatqan «Amanat» partııasynyń tájirıbesin eskergen jón», – dedi Prezıdent.
