جاڭالىقتارقارجى جانە تولەمدەر
قازاقستاندا اليمەنت قورى قۇرىلۋى مۇمكىن
قازاقستاندا اليمەنت قورىن قۇرۋ مۇمكىندىگى قاراستىرىلادى. بۇل تۋرالى بۇگىن پارلامەنت سەناتىنداعى ۇكىمەت ساعاتىندا قر پرەمەر-ءمينيسترىنىڭ ورىنباسارى تامارا دۇيسەنوۆا ءمالىم ەتتى.
پرەمەر-ءمينيستردىڭ ورىنباسارى تامارا دۇيسەنوۆا اجىراسقان ايەلدەردىڭ بالالارىنا ارنالعان اليمەنتتەر قورىن قۇرۋ مۇمكىندىگىنە قاتىستى تۇسىنىكتەمە بەردى.
«بۇل ماسەلەنى ادىلەت مينيسترلىگى قاراستىرىپ جاتقانىن بىلەمىن. مەن مۇنى ۇسىنىس رەتىندە قابىلداپ, قۇقىق قورعاۋ بلوگىمەن جانە ادىلەت مينيسترلىگىمەن بىرگە زەرتتەپ, قوسىمشا اقپارات بەرەيىن», — دەدى تامارا دۇيسەنوۆا سەنات قابىرعاسىندا باق وكىلدەرىنىڭ ساۋالىنا جاۋاپ بەرە تۇرىپ.
سونداي-اق ۆيتسە-پرەمەر اتالعان ماسەلەنى زەرتتەۋگە ۋادە بەردى.
«بەلىتىنىم, بەلگىلى ءبىر توپ بۇل سۇراقپەن اينالىستى. بىراق ولار قانداي مامىلەگە كەلدى, ناقتى نەمەن اينالىسقانى تۋرالى قازىر جاۋاپ بەرە المايمىن. سوندىقتان مەن ولاردىڭ نەمەن اينالىسقانىن ناقتىلاۋىم كەرەك. الەمدە مۇنداي تاجىريبە بار, ونى زەرتتەپ, ءبىزدىڭ ەلىمىز ءۇشىن قانشالىقتى ءتيىمدى ەكەنىن كورۋ كەرەك», — دەيدى ول.
