جاڭالىقتار
قازاقستاندا ازىق-ت ۇلىكتىڭ كەيبىر ءتۇرى ارزاندايدى
![](https://qandastar.kz/wp-content/uploads/2024/05/IMG_6352-780x405.jpeg)
ەۋرازيالىق ەكونوميكالىق كوميسسيا كوكونىس پەن جۇمىرتقا باعاسى تومەندەيتىنىن ايتتى. شىعىس قازاقستان وبلىسىنىڭ تۇراقتاندىرۋ قورىنداعى كوكونىس 20%, جۇمىرتقا 16%-كە ارزانداعان.
ويتكەنى فەرمەرلەر بىلتىرعى كوكونىستى ساتۋعا شىعاردى. ال قۇس وسىرۋشىلەر كوكتەم-جاز كەزىندە ءوندىرىس كولەمىن ۇلعايتا تۇسەدى.
بۇرىن كوكتەمدە الەۋمەتتىك پاۆيلوندارداعى كوكونىستىڭ ساپاسى ناشار بولاتىن. سەبەبى دۇڭگىرشەك سورەلەرىنە بىلتىرعى ءونىم قويلاتىن. قازىر مۇنداي ماسەلە جوق. ويتكەنى ءونىمنىڭ بارلىعى ارنايى قويمالاردا ساقتالادى. قۇندىز سادانوۆا, قالا تۇرعىنى: – قىزاناق, قيار, كەرەكتى نارسەنىڭ ءبارىن الامىز. بارلىعىن وسى دۇكەننەن الامىز. باسقا دۇكەندەردە بىزدە قىمبات.
وسىندا كەلەمىز. وسىنداي كيوسكتەر تاعى دا بولسا. دميتري ماشكين, كاسىپكەر: – قىرىققابات, پيازدىڭ باعاسى تومەندەدى. ءبارىنىڭ ساپاسى جاقسى. حالىق ۇزىلمەيدى, كۇنى بويى كەلىپ الادى. كوتەرمە-تاراتۋ ورتالىعىنداعى زاماناۋي قويمالاردا كوكونىس ۇزاق ساقتالادى.
ماسەلەن, كارتوپتى كليماتتىق باقىلاۋى بار, ارنايى جارىقتاندىرۋ جۇيەسى ورناتىلعان بولمەدە ساقتايدى. دەنيس حولدين, قالالىق كوتەرمە-تاراتۋ ورتالىعىنىڭ باس تەحنولوگى: – كارتوپتى ساقتاۋدىڭ دا تالاپتارى بار. ويتكەنى ول وزىنەن سو2 گازىن بولەدى. مۇنى ارنايى داتچيكتەر سەزىپ, بولمەنى جەلدەتەدى. وسىلاي ءونىمنىڭ بالعىندىعىن ساقتاۋعا بولادى. كوكونىستى ساقتاۋ ءۇشىن اۋدانى 19 مىڭ شارشى مەتردەن اساتىن 2 قويما سالىندى.
دەگەنمەن وڭىردە ەت ساقتايتىن جەر جوق. سوندىقتان ءونىمنىڭ باعاسى ءالى شارىقتاپ تۇر. ال جۇمىرتقا ارزاندايدى. 2023 جىلى شاعىن كاسىپ يەلەرى 80 مىڭنان استام جۇمىرتقا ءوندىردى. بۇگىندە ەلىمىز بويىنشا 32 قۇس فابريكاسى بار. ينابات قايسانوۆا, وبلىستىق الەۋمەتتىك-كاسىپكەرلىك كورپوراتسياسىنىڭ رەسمي وكىلى: – التاي كوتەرمە-تاراتۋ ورتالىعى اشىلعاننان كەيىن, ءبىز ويلاپ وتىرمىز, بۇعان دەيىن 11 ازىق-ت ۇلىك باعاسىن تۇراقتاندىرىپ كەلسەك, الداعى ۋاقىتتا 19, ياعني تولىق ءتىزىم بويىنشا تاۋارلاردىڭ باعاسىن تۇراقتاندىرۋ مۇمكىن بولادى.
ەت, ءسۇت ونىمدەرى باعاسىنىڭ تۇراقتاندىرىلماۋىنىڭ سەبەبى التاي سياقتى ورتالىقتاردىڭ جوقتىعىنان بولاتىن. الداعى ۋاقىتتا كوتەرمە ساۋدا ورىندارى اشىلسا, دەلدالدار ازايادى, – دەيدى ماماندار. قازىر ەلىمىزدەگى 100-دەن استام كوكونىس قويماسى جەكە كاسىپكەرلەرگە تيەسىلى.