Qazaqstanda azyq-túliktiń keıbir túri arzandaıdy

Eýrazııalyq ekonomıkalyq komıssııa kókónis pen jumyrtqa baǵasy tómendeıtinin aıtty. Shyǵys Qazaqstan oblysynyń turaqtandyrý qoryndaǵy kókónis 20%, jumyrtqa 16%-ke arzandaǵan.

О́ıtkeni fermerler byltyrǵy kókónisti satýǵa shyǵardy. Al qus ósirýshiler kóktem-jaz kezinde óndiris kólemin ulǵaıta túsedi.

Buryn kóktemde áleýmettik pavılondardaǵy kókónistiń sapasy nashar bolatyn. Sebebi dúńgirshek sórelerine byltyrǵy ónim qoılatyn. Qazir mundaı másele joq. О́ıtkeni ónimniń barlyǵy arnaıy qoımalarda saqtalady. Qundyz Sadanova, qala turǵyny: – Qyzanaq, qııar, kerekti nárseniń bárin alamyz. Barlyǵyn osy dúkennen alamyz. Basqa dúkenderde bizde qymbat.

Osynda kelemiz. Osyndaı kıoskter taǵy da bolsa. Dmıtrıı Mashkın, kásipker: – Qyryqqabat, pııazdyń baǵasy tómendedi. Báriniń sapasy jaqsy. Halyq úzilmeıdi, kúni boıy kelip alady. Kóterme-taratý ortalyǵyndaǵy zamanaýı qoımalarda kókónis uzaq saqtalady.

Máselen, kartopty klımattyq baqylaýy bar, arnaıy jaryqtandyrý júıesi ornatylǵan bólmede saqtaıdy. Denıs Holdın, qalalyq kóterme-taratý ortalyǵynyń bas tehnology: – Kartopty saqtaýdyń da talaptary bar. О́ıtkeni ol ózinen SO2 gazyn bóledi. Muny arnaıy datchıkter sezip, bólmeni jeldetedi. Osylaı ónimniń balǵyndyǵyn saqtaýǵa bolady. Kókónisti saqtaý úshin aýdany 19 myń sharshy metrden asatyn 2 qoıma salyndy.

Degenmen óńirde et saqtaıtyn jer joq. Sondyqtan ónimniń baǵasy áli sharyqtap tur. Al jumyrtqa arzandaıdy. 2023 jyly shaǵyn kásip ıeleri 80 myńnan astam jumyrtqa óndirdi. Búginde elimiz boıynsha 32 qus fabrıkasy bar. Inabat Qaısanova, oblystyq áleýmettik-kásipkerlik korporaııasynyń resmı ókili: – Altaı kóterme-taratý ortalyǵy ashylǵannan keıin, biz oılap otyrmyz, buǵan deıin 11 azyq-túlik baǵasyn turaqtandyryp kelsek, aldaǵy ýaqytta 19, ıaǵnı tolyq tizim boıynsha taýarlardyń baǵasyn turaqtandyrý múmkin bolady.

Et, sút ónimderi baǵasynyń turaqtandyrylmaýynyń sebebi Altaı sııaqty ortalyqtardyń joqtyǵynan bolatyn. Aldaǵy ýaqytta kóterme saýda oryndary ashylsa, deldaldar azaıady, – deıdi mamandar. Qazir elimizdegi 100-den astam kókónis qoımasy jeke kásipkerlerge tıesili.