Qazaqstanda bala týý jasy zańmen bekitilmek

Foto: gemotest

Bul uǵym halyq densaýlyǵy jáne densaýlyq saqtaý júıesi kodesine engiziledi.

Endi elimizde bala týý jasy zańmen bekitiledi, dep habarlaıdy Skifnews.kz aqparat portaly.

15 pen 49 jas aralyǵyndaǵy qyz-kelinshekter «reprodýktıvti jasta» bolyp sanalady. Bul uǵym halyq densaýlyǵy jáne densaýlyq saqtaý júıesi kodesine engiziledi.

Densaýlyq saqtaý mınıstrliginiń málimetinshe, 42 jastan keıin qyz-kelinshekterdiń bosanýy qıyndaıdy. Muny klınıkalyq tájirıbe kórsetken. Jyl saıyn reprodýktıvti klınıkaǵa 49 jastan asqan 25-30 áıel júginedi eken. Bul áıelder 10-12 jyl buryn qatyryp qoıǵan jumyrtqa kletkasyn qoldanady nemese ekstrakorporaldy uryqtandyrý jasaıdy. О́tken jyly EKO-nyń qyzmetine 28 áıel júginip, onyń jartysy bosanypty.