ءبىلىم
قازاقستاندا بالالار مەن جاستارعا قانداي قولداۋ بار?
فوتو: اقوردا
مەملەكەت باسشىسى «جاڭا ادامدار» فورۋمىندا ەلدەگى جاستار ساياساتىنا قاتىستى پىكىر ءبىلدىردى. سونداي-اق مەملەكەت تاراپىنان بالالارعا جاسالعان مۇمكىندىكتى دە تىلگە تيەك ەتتى, دەپ جازدى qandastar.kz.
«قازاقستان بالالار مەن جاستارعا جان-جاقتى قولداۋ كورسەتەتىن الەمدەگى از ەلدىڭ ءبىرى. دۇنيەگە كەلگەن ءار ءسابي بىردەن ۇلتتىق باعدارلامالاردىڭ قاتىسۋشىسىنا اينالادى. وزدەرىڭىزگە ءمالىم, ەكىنشى جىل قاتارىنان ۇلتتىق قور تابىسىنىڭ ءبىر بولىگى بالالاردىڭ ەسەپشوتىنا ءتۇسىپ جاتىر. كامەلەت جاسىنا تولعاندا ولار جيناقتالعان قارجىنى وقۋعا نەمەسە باسپانا الۋعا جۇمساي الادى. بەس جاستان اسقان بالالارعا ارنالعان «كەلەشەك» باعدارلاماسى ىسكە قوسىلدى”, — دەدى پرەزيدەنت.
مەملەكەت باسشىسى بۇل جۇيە اتا-انالار ءۇشىن وتە قولايلى ەكەنىن العا تارتتى. سول ارقىلى بالالارىنىڭ بولاشاقتا الاڭسىز ءبىلىم الۋىنا قاراجات جينايدى. ءار بالا التى-جەتى جاستان باستاپ مەكتەپتە تەگىن ءبىلىم الادى.
