جاڭالىقتار
قازاقستاندا بالالارعا ارنالعان SIM-كارتالار ەنگىزىلەدى
فوتو: اشىق دەرەككوز
قازاقستاندا بالالارعا ارنالعان SIM-كارتالار ەنگىزىلەدى, دەپ جازدى qandastar.kz
ەلدىڭ وقۋ-اعارتۋ مينيسترلىگى وسىنداي باستاما كوتەرگەن. بۇل اتا-انالارعا بالانىڭ تەلەفوندى قالاي قولداناتىنىن باقىلاۋىنا مۇمكىندىك بەرەدى, دەيدى ۆيتسە-مينيستر ەدىل وسپان. سوعان سايكەس ەندى ۇيالى بايلانىس وپەراتورلارى ارنايى SIM-كارتالار شىعاراتىن بولادى. ال اتا-انالار بالالارىنا وسى سيم-كارتالاردى ساتىپ الۋعا مىندەتتەلمەك.
«حالىقارالىق تاجىريبە كورسەتكەندەي, بالالارعا ارنالعان SIM-كارتالاردى پايدالانۋ بايلانىس وپەراتورلارىنىڭ تاراپىنان قولداۋ تاۋىپ, تسيفرلىق قاۋىپسىزدىك سالاسىنداعى مەملەكەتتىك باستامالارمەن قاتار جۇرەدى. اتا-انالار بالالاردىڭ قاۋىپسىزدىگىن باقىلاۋ ءۇشىن جوعارى تەحنولوگيالاردى پايدالانا الادى», — دەدى ۆيتسە-مينيستر.
ارنايى SIM-كارتالاردا قاۋىپسىزدىكتى قامتاماسىز ەتۋ ماقساتىندا قاجەتسىز كونتەنتتەن قورعايتىن فيلترلەر ەنگىزىلەدى. بۇدان بولەك گەولوكاتسيانىڭ كومەگىمەن بالانىڭ ورنالاسقان جەرىن كورۋگە بولادى.
