قازاقستاندا بالگەر, استرولوگتار مەن ەكستراسەنستەر ءبىر جىلدا ءۇش ميلليارد تەڭگە تابىس تاپقان

فوتو: istockphoto.com

«باسقا دا جەكە قىزمەتتەر» ساناتىنا تىركەلگەن «سيقىرلى ماماندىق» يەلەرى 2024 جىلى 2,9 ميلليارد تەڭگەنىڭ قىزمەتىن كورسەتكەن. بۇل — تەك رەسمي دەرەكتەر عانا, دەپ حابارلايدى qandastar.kz turkystan.kz-كە سىلتەمە جاساپ.

بۇل سانداردى ۇلتتىق ستاتيستيكا بيۋروسى ۇسىندى. بۇل كورسەتكىشكە تىركەلمەي, سالىق تولەمەي «كولەڭكەدە» جۇمىس ىستەيتىندەردىڭ تابىسى كىرمەيدى. ال وندايلار از ەمەس دەپ بولجانۋدا.

قازاقستاندىقتاردىڭ مەتافيزيكاعا قىزىعۋشىلىعى كۇرت وسكەن. ەگەر 2022 جىلى استرولوگتار, ەكستراسەنستەر مەن بالگەرلەردىڭ قىزمەتى نەبارى 50 ميلليون تەڭگەگە باعالانسا, ەكى جىلدا بۇل نارىق 5700 پايىزعا وسكەن.

2022 جىلى ماگتاردىڭ نەگىزگى كليەنتتەرى اۋىل تۇرعىندارى بولسا, 2024 جىلى تابىستىڭ نەگىزگى بولىگى قالالارعا تيەسىلى.

ايتا كەتەيىك, كورشى قىرعىزستاندا جۋىردا كەز كەلگەن ماگيالىق قىزمەت ءتۇرىنىڭ جارناماسىنا تىيىم سالۋ تۋرالى شەشىم قابىلداندى.

تولىق نۇسقاسىنا گيپەرسىلتەمە بەرۋدى ۇمىتپاڭىز: https://turkystan.kz/article/263855-qazaqstanda-balger-astrologtar-men-ekstrasenster-bir-zylda-us-milliard-tenge-tabys-tapqan