جاڭالىقتار
قازاقستاندا درون فاكۋلتەتى اشىلادى
![](https://qandastar.kz/wp-content/uploads/2024/05/IMG_5300-780x405.jpeg)
مۇنداي كەلىسىمگە ەلىمىزدىڭ ونەركاسىپ جانە قۇرىلىس مينيسترلىگى دەلەگاتسياسىنىڭ وڭتۇستىك كورەياعا ساپارى بارىسىندا قول جەتكىزىلدى. دەلەگاتسيا مۇشەلەرى 3 كۇن ىشىندە كورەيا ۇكىمەتىنىڭ مۇشەلەرىمەن, ءىرى كومپانيالاردىڭ باسشىلارىمەن كەلىسسوزدەر جۇرگىزىپ, دجەي جانە شينحان ۋنيۆەرسيتەتتەرىندە بولدى. وندا ولار دارىسكە قاتىسىپ, درونداردى جاساۋ ءۇشىن ينجەنەرلەردى وقىتۋ ۇدەرىسىمەن تانىستى.
ونەركاسىپ جانە قۇرىلىس مينيسترلىگىنىڭ مالىمەتىنشە, ازىرگە قازاقستاندا ەكى ۋنيۆەرسيتەتتە عانا دروندار كافەدرالارى بار. ەندى دجەي ۋنيۆەرسيتەتىنىڭ كومەگىمەن تاعى ءبىر فاكۋلتەت اشىلماق. كورەيالىق پروفەسسورلار قازاقستاندا درون سالاسىنا قاجەتتى ماماندار دايارلايتىن بولادى.
ازامات بەيىسبەكوۆ, قر ونەركاسىپ جانە قۇرىلىس ۆيتسە-ءمينيسترى: – دجەي اكادەمياسىندا جوعارعى سىنىپ وقۋشىلارىنان باستاپ ناقتى وندىرىستە جۇمىس ىستەيتىن ادامدارعا دەيىن ارنايى سولارعا ماماندىرىلعان باعدارلامالار بار. سولاردى قولدانا وتىرىپ, مامانداردى دايىندايتىن بولامىز. الداعى ۋاقىتتا دجەي ۋنيۆەرسيتەتى قازاقستانعا كەلىپ, ءبىزدىڭ ۋنيۆەرسيتەتتەرىمىزدى ارالاپ, تەحنيكالىق ۋنيۆەرسيتەتتەرىمىزدى, ولاردىڭ ىشىنەن وزدەرىنە ارىپتەس تاندايتىن بولادى. ناقتى تەحنولوگيالاردى بىزگە بەرۋگە كومپەتەنتسيانى بىزگە بەرۋگە دايىن. ول – وسى كورەيالىق تاراپ جانە ارنايى درون ماسەلەسى تۋركيالىق تاراپ.