Qazaqstanda eki birdeı járdemaqy kólemi artýy múmkin

Kórneki sýret: NUR.KZ / Petr Karandashov

Qazaqstanda eńbekke qabilettilikten aıyrylý jáne asyraýshysynan aıyrylý jaǵdaılary boıynsha tólenetin járdemaqy kólemin arttyrý usynyldy. Bul týraly «Ashyq NQA» portalyndaǵy Eńbek mınıstrligi qaýlysynyń jobasyna silteme jasaǵan KAZ.NUR.KZ habarlaıdy.

«2025 jylǵy 1 qańtarǵa deıin Memlekettik áleýmettik saqtandyrý qorynan taǵaıyndalǵan eńbekke qabilettilikten aıyrylý jáne asyraýshysynan aıyrylý jaǵdaılary boıynsha tólenetin áleýmettik tólemderdiń mólsherlerin 2025 jylǵy 1 qańtardan bastap alatyn áleýmettik tólemderdiń mólsherinen 6,5 paıyzǵa arttyrý júrgizilsin. Qaýly alǵashqy resmı jarııalanǵan kúninen bastap, biraq erte degende 2025 jylǵy 1 qańtardan bastap qoldanysqa engiziledi», – delingen habarlamada.

Qujat 17 qyrkúıekke deıin qoǵamdyq talqylaýǵa shyǵarylǵan.

Eske salsaq, buǵan deıin Qazaqstanda kópbalaly otbasylarǵa járdemaqy qalaı tólenetini týraly jazǵan edik.

Eńbek jáne halyqty áleýmettik qorǵaý mınıstrliginiń málimetinshe, 2024 jyly tórt balaǵa beriletin járdemaqynyń «bastapqy» mólsheri 16,03 aılyq eseptik kórsetkishke teń (AEK), ıaǵnı bir balaǵa 59 183 teńge nemese 14 796 teńge boldy.

Alaıda kópbalaly otbasynda kóp bala dúnıege kelse, járdemaqy ulǵaıady, al onyń eń joǵarǵy mólsheri joq.