قازاقستاندا قانداستار ءۇشىن ازاماتتىق الۋ ءتارتىبى جەڭىلدەتىلدى

وسىلايشا, كورسەتىلەتىن قىزمەتتى الۋشى جوعارىدا اتالعان مەملەكەتتىك كورسەتىلەتىن قىزمەتكە ءوتىنىش بەرگەننەن كەيىن «قانداستار مەن قونىس اۋدارۋشىلاردى قابىلداۋدىڭ وڭىرلىك كۆوتاسىنا ەنگىزۋ», «شەتەلدىكتەرگە جانە ازاماتتىعى جوق ادامدارعا قازاقستان رەسپۋبليكاسىندا تۇراقتى تۇرۋعا رۇقسات بەرۋ», سونداي-اق «قازاقستان رەسپۋبليكاسىنىڭ ازاماتتىعىن قابىلداۋدى, قالپىنا كەلتىرۋدى جانە ودان شىعۋدى تىركەۋ» قىزمەتتەرىن پايدالانا الادى.   ۆەدومستۆونىڭ اقپاراتى بويىنشا, ء«بىر ءوتىنىش» قاعيداتى بويىنشا قىزمەت كورسەتۋ مەرزىمدەرى:   – قانداس مارتەبەسىن بەرۋ نەمەسە ۇزارتۋ – 4 جۇمىس كۇنى;   – قانداستار مەن قونىس اۋدارۋشىلاردى قابىلداۋدىڭ وڭىرلىك كۆوتاسىنا ەنگىزۋ – 14 جۇمىس كۇنى;   – شەتەلدىكتەر مەن ازاماتتىعى جوق ادامدارعا قازاقستان رەسپۋبليكاسىندا تۇراقتى تۇرۋعا رۇقسات بەرۋ – 45 كۇنتىزبەلىك كۇن;   – قازاقستان رەسپۋبليكاسىنىڭ ازاماتتىعىن الۋدى, قالپىنا كەلتىرۋدى جانە ودان شىعۋدى تىركەۋ – 30 جۇمىس كۇنى.   قۇجاتتاردى قابىلداۋ كۇنى مەملەكەتتىك قىزمەت كورسەتۋ مەرزىمىنە كىرمەيدى.   وسى كومپوزيتتىك مەملەكەتتىك قىزمەتتى الۋ ماقساتىندا قانداستارعا بىرىڭعاي تىزبەگە سايكەس ءتيىستى قۇجاتتاردى ۇسىنۋ جەتكىلىكتى», – دەپ تولىقتىردى ەڭبەك مينيسترلىگىندە.   ەستەرىڭىزگە سالا كەتەيىك, ەلدەن كەتكەن قازاقستاندىقتاردىڭ سانى كەلگەندەردىڭ سانىنان ءۇش ەسە كوپ. 2021 جىلعى قاڭتاردان ماۋسىمعا دەيىن ەلگە 4,6 مىڭ ادام كەلدى – بۇل 2020 جىلعى قاڭتار-ماۋسىمعا قاراعاندا 34,9%-عا از. سونىمەن قاتار, پاندەمياعا قاراماستان, 14,2 مىڭ ادام ەلدەن كەتتى, بۇل ءبىر جىل بۇرىنعىعا قاراعاندا 29,3%-عا كوپ. چيتات: https://www.kt.kz/kaz/state/_1377921179.html