جاڭالىقتار
قازاقستاندا Kcell جانە Activ ابونەنتتەرى جاپپاي بايلانىس پەن ينتەرنەتسىز قالدى
فوتو: depositphotos.com
Kcell جانە Activ پايدالانۋشىلارى وپەراتور جۇمىسىنا جاپپاي شاعىمدانىپ جاتىر. قازاقستاندىقتاردىڭ ايتۋىنشا, ەكى ساعاتتان استام ۋاقىت بويى ۇيالى بايلانىس پەن ينتەرنەت جوق, دەپ جازدى qandastar.kz
بۇل تۋرالى Stan.kz اقپارات اگەنتتىگى حابارلايدى.
ابونەنتتەر الەۋمەتتىك جەلىلەردە ماسەلەلەرىن بولىسىپ جاتىر:
«ينتەرنەت ىستەمەي قالدى, مۇلدە جوق, ءتىپتى بايلانىس بەلگىسى سىزىلىپ تۇر. بۇل قالاي بولعانى? تاريفكە قىرۋار اقشا تولەيمىن», – دەلىنگەن جەلى قولدانۋشىسىنىڭ جازباسىندا.
تاعى ءبىر جەلى قولدانۋشىسى وپەراتوردىڭ بايلانىس ورتالىعىنا حابارلاسا الماي وتىرعانىن ايتقان.
«اشۋلانىپ وتىرمىن, كۇن ورتاسىندا بايلانىس جوعالىپ كەتتى. بايلانىس ورتالىعىنا دا قوسىلۋ مۇمكىن ەمەس. Wi-Fi-سىز ءجۇرۋ مۇمكىن ەمەس, ەشتەڭە تولەي المايسىڭ», – دەيدى تاعى ءبىر جەلى قولدانۋشىسى.
ۇيالى بايلانىس وپەراتورىنىڭ ءباسپاسوز قىزمەتى اقاۋ بولعانىن راستاپ, اپاتتىڭ سەبەپتەرى انىقتالىپ جاتقانىن حابارلادى.
«وكىنىشكە قاراي, قازىر كەيبىر ابونەنتتەر ءموبيلدى ينتەرنەتكە قوسىلۋدا قيىندىقتارعا تاپ بولدى. ءبىزدىڭ تەحنيكالىق ماماندار جاعدايدىڭ سەبەپتەرىن انىقتاپ جاتىر جانە ماسەلەنى جەدەل شەشۋ ءۇشىن بار كۇشىن سالادى. ۋاقىتشا قولايسىزدىق ءۇشىن كەشىرىم سۇرايمىز جانە تۇسىنىستىك تانىتقاندارىڭىزعا العىس بىلدىرەمىز», – دەلىنگەن كومپانيا حابارلاماسىندا.
