جاڭالىقتار
قازاقستاندا كەيبىر تۇلەكتەردى اسكەردەن بوساتۋ ۇسىنىلدى
فوتو: tengrinews.kz
ەڭبەك جانە حالىقتى الەۋمەتتىك قورعاۋ ءمينيسترى سۆەتلانا جاقىپوۆا جوعارى وقۋ ورىندارىنىڭ كەيبىر تۇلەكتەرىن اسكەردەگى قىزمەتتەن بوساتۋدى ۇسىندى. ۆەدومستۆو باسشىسى بۇگىن ۇكىمەت وتىرىسىندا وسىنداي ۇسىنىس جاسادى, دەپ حابارلايدى qandastar.kz.
وتىرىستا مينيستر جاستاردى جۇمىسپەن قامتۋ بويىنشا قابىلدانىپ جاتقان شارالار تۋرالى ايتىپ بەردى.
«بۇگىنگى تاڭدا تەحنيكالىق ماماندىقتار بويىنشا ماماندار تاپشىلىعىن ەسكەرە وتىرىپ, اتالعان ماماندىقتار بويىنشا وقۋ ورىندارىن بىتىرگەن ادامداردى اسكەري بورىشىن ورىنداۋدان بوساتۋ, كوللەدجدەردە سەرجانتتار قۇرامىن دايارلاۋعا جانە اسكەري دايارلىقتان وتۋگە باعىتتالعان اسكەري كافەدرالار اشۋ تۋرالى ماسەلەنى قاراۋدى ۇسىنامىن», – دەپ مالىمدەدى جاقىپوۆا.
مينيستر جاريالاعان تەحنيكالىق ماماندىقتاردىڭ اراسىندا تەحنيك-قۇرىلىسشى, كەنشى-مەتاللۋرگ, مۇنايشى, ەنەرگەتيك, قۇرىلىسشى, اۆتومەحانيك, ينجەنەر جانە باسقالارى بار.
