Qazaqstanda kınojobalar baıqaýynyń ekinshi kezeńi bastaldy

Foto: ashyq derekkóz

Ulttyq kınony qoldaý ortalyǵy memlekettik qoldaýǵa úmitker kınojobalardy irikteý konkýrsynyń ekinshi kezeńin bastady. Saraptama keńesiniń oń qorytyndysyn alǵan senarıı men senarıı josparlarynyń, konkýrstyq irikteýdiń ekinshi kezeńine ótken kınojobalardyń tizimimen osy jerde tanysa alasyz.

Konkýrstyq irikteýdiń birinshi kezeńinde oń qorytyndy alǵan úmitkerler qujattardy elektrondy formatta tapsyrýy tıis. Barlyq qajetti qujattardy Ortalyqtyń resmı saıtyndaǵyhttps://kazakhcinema.kz/kz/konkurs_2025 silteme arqyly 2025 jyldyń 18 sáýir men 13 mamyr, saǵat 18:00-ge deıin jiberý qajet. Atap ótý qajet, úmitkerler myna talaptardy eskerýi tıis:

• quqyq qabilettiligine (zańdy tulǵalar úshin), azamattyq áreket qabilettiligine (jeke tulǵalar úshin) ıe bolýy;
• respýblıkalyq bıýdjet týraly zańda tıisti qarjy jylyna belgilengen aılyq eseptik kórsetkishtiń alty eselengen mólsherinen asatyn salyq beresheginiń bolmaýy;
• bankrottyq ne taratý rásimine jatpaýy (málimetter Ortalyqpen tekserilerdi).

О́tinimderdi tapsyrǵannan keıin qujattardyń tolyq usynylmaýy anyqtalǵan jaǵdaıda konkýrstyq proestiń ádildigi men ashyqtyǵyn qamtamasyz etý maqsatynda ótinish berýshige anyqtalǵan qatelerdi túzetýge 3 jumys kúni beriledi.