الەم جاڭالىقتارىجاڭالىقتار
قازاقستاندا كولىك اكەلۋ ەرەجەلەرى وزگەرەدى
فوتو: pixabay.com
1 جەلتوقساننان باستاپ قازاقستاندا شىققانىنا ءۇش جىل بولماعان كولىكتەردى اكەلۋگە جاڭا ەرەجە ەنگىزىلەدى. بۇل تۋرالى qandastar.kz Stan.kz اقپارات اگەنتتىگىنە سىلتەمە جاساپ حابارلايدى.
مەملەكەتتىك كىرىستەر كوميتەتىنىڭ مالىمەتىنشە, ەندى 3 جىل تولماعان اۆتوكولىكتەردى كتب قۇجاتىندا (كولىك ءتۇرىن بەكىتۋ) رەسمي ءتىزىمى بار ادامدار عانا اكەلە الادى. بۇل قۇجات كولىك قۇرالىنىڭ تەحنيكالىق رەگلامەنت تالاپتارىنا سايكەستىگىن راستايدى.
بۇرىن دەكلاراتسيالانعان كەز كەلگەن تۇلعا كتب ارقىلى اۆتوكولىكتەردى يمپورتتاي الاتىن. الايدا, قازىر يمپورت قۇقىعى وسى قۇجاتتا تىكەلەي كورسەتىلگەندەرگە عانا ساقتالادى. كتب تەك زاڭدى تۇلعاعا بەرىلەدى.
بۇل وزگەرىستەر كەدەندىك وداقتىڭ تەحنيكالىق رەگلامەنتىنە سايكەس بەلگىلەندى جانە قازاقستانعا اۆتوكولىكتەردى اكەلۋدى وڭتايلاندىرۋعا باعىتتالعان.
الماتىداعى تابيعاتتى قورعاۋ بەكەتتەرىندە جىل باسىنان بەرى 25 مىڭ ەكولوگيالىق نورمالاردى بۇزۋ فاكتىلەرى تىركەلگەن. اۆتوكولىكتەرگە قاتىستى سالىنعان ايىپپۇل سوماسى 437,4 ملن تەڭگەنى قۇراعان.
ەسكە سالساق, وسىعان دەيىن 2026 جىلدان باستاپ قازاقستاندىقتار اقىلى تۇردە كەز كەلگەن كولىك ءنومىرىن تاڭداي الاتىنىن جازعانبىز.
