Qazaqstanda nesıe berýdiń jańa erejeleri qashan kúshine enetini belgili boldy

Foto: ashyq derekkóz

Qarjy naryǵyn retteý jáne damytý agenttigi Qazaqstanda nesıe berýdiń jańa erejeleri qashan kúshine enetinin aıtty. Bul týraly Stan.kz aqparat agenttigi habarlaıdy.

Agenttik basshysy jýyrda qabyldanǵan «Nesıe berýdegi táýekelderdi azaıtý, qaryz alýshylardyń quqyqtaryn qorǵaý, qarjy naryǵyn retteýdi jáne atqarýshylyq is júrgizýdi jetildirý týraly» zań aıasynda naqty sharalardyń qaashan bastalatynyn aıtty. Zań prezıdent tapsyrmasymen ázirlengen.

Zań aıasynda azamattardyń nesıelik júktemesin azaıtý maqsatynda 2024 jyldyń 1 shildesinen bastap 90 kúnnen astam keshiktirilgen tólemi bar jandarǵa tutynýshylyq nesıe berýge tyıym salynady.

Al 20 tamyzdan bastap bankter men mıkroqarjy uıymdaryna barlyq qoldanystaǵy (ótelmegen) tutyný nesıeleri boıynsha tólemdi keshiktirý 90 kúndi qurasa, syıaqy alýǵa tyıym salynady.

1 qyrkúıekten bastap jeke tulǵalarǵa jubaıynyń kelisiminsiz nesıe berýge tyıym salý týraly sheshim kúshine enedi.

Agenttik basshysy jýyrda qabyldanǵan «Nesıe berýdegi táýekelderdi azaıtý, qaryz alýshylardyń quqyqtaryn qorǵaý, qarjy naryǵyn retteýdi jáne atqarýshylyq is júrgizýdi jetildirý týraly» zań aıasynda naqty sharalardyń qaashan bastalatynyn aıtty. Zań prezıdent tapsyrmasymen ázirlengen.

Zań aıasynda azamattardyń nesıelik júktemesin azaıtý maqsatynda 2024 jyldyń 1 shildesinen bastap 90 kúnnen astam keshiktirilgen tólemi bar jandarǵa tutynýshylyq nesıe berýge tyıym salynady.

Al 20 tamyzdan bastap bankter men mıkroqarjy uıymdaryna barlyq qoldanystaǵy (ótelmegen) tutyný nesıeleri boıynsha tólemdi keshiktirý 90 kúndi qurasa, syıaqy alýǵa tyıym salynady.

1 qyrkúıekten bastap jeke tulǵalarǵa jubaıynyń kelisiminsiz nesıe berýge tyıym salý týraly sheshim kúshine enedi.

«Bul jańa erejeler otbasylardyń múddelerin qorǵaýǵa jáne erli-zaıyptylardyń biriniń kelisiminsiz iri tutynýshylyq nesıesin asyǵys alýyna jol bermeýge baǵyttalǵan. Kelisim alý agenttiktiń normatıvtik aktisimen belgilenedi», – dedi agenttik tóraǵasy Mádına Ábilqasymova.

2024 jyldyń 1 shildesinen bastap ótelmegen nesıelerdi kollektorlarǵa berýge eki jyldyq moratorıı engiziledi. Bul kezeńde nesıe berýshiler merzimi ótken nesıelerdi óndirip alýshylarǵa bere almaıdy.

Mindetti áskerı qyzmetke shaqyrylǵan azamattar úshin 20 tamyzdan bastap olardyń qyzmet ótkergen ýaqytyna jáne áskerı qyzmetten shyǵarylǵannan keıin 60 kúnge deıin syıaqy eseptelmeı, banktik nesıeler men shaǵyn nesıeler boıynsha keıinge qaldyrý avtomatty túrde júrgiziledi.

Qaryz alýshylardyń tabysynyń eń tómengi deńgeıin qamtamasyz etý úshin bereshekti óndirip alý kezinde bank shotynda eń tómengi kúnkóris deńgeıiniń eki (87 myń teńge) somasy saqtalady.

Nesıeler boıynsha alaıaqtyqty azaıtý maqsatynda 1 qyrkúıekten bastap nesıe berýshilerge tutynýshynyń nesıe alýdan erikti bas tartýy bolǵan jaǵdaıda azamattarǵa berilgen nesıeler boıynsha bereshegin esepten shyǵarý mindettemesi engizildi.

Eske salsaq, buǵan deıin Qazaqstanda kópbalaly otbasylarǵa jeńildetilgen avtokólik nesıesi beriletini týraly jazǵan edik.