قازاقستاندا ورتاشا زەينەتاقى – 143 مىڭ تەڭگە

فوتو: اشىق دەرەككوز

قازاقستاندا جىل باسىنان بەرى 1 تريلليوننان استام تەڭگە زەينەتاقىعا جۇمسالدى, دەپ حابارلايدى qandastar.kz

ەڭبەكمينىنىڭ مالىمەتىنشە, 2025 جىلدىڭ باسىنان بەرى رەسپۋبليكالىق بيۋدجەتتەن زەينەتاقى تولەمدەرىنە 1 ترلن 44,3 ملرد تەڭگە ءبولىندى. ونىڭ ىشىندە:

• 337,6 ملرد تەڭگە – بازالىق زەينەتاقىعا,

• 706,7 ملرد تەڭگە – ىنتىماقتى زەينەتاقى تولەمدەرىنە باعىتتالعان.

2025 جىلعى 1 ساۋىردەگى جاعداي بويىنشا ەلىمىزدە 2,5 ملن-عا جۋىق زەينەتكەر تىركەلگەن.

سول كۇنگى ەسەپپەن جيىنتىق زەينەتاقىنىڭ ورتاشا مولشەرى 143 622 تەڭگەنى قۇرادى. ونىڭ ىشىندە:

• ىنتىماقتى زەينەتاقى – 95 963 تەڭگە,

• بازالىق زەينەتاقى – 47 659 تەڭگە بولدى.

بۇعان دەيىن 2025 جىلعى 1 قاڭتاردان باستاپ:

• بازالىق زەينەتاقى 6,5%-عا,

• ىنتىماقتى زەينەتاقى 8,5%-عا وسكەنى حابارلانعان ەدى.

مەملەكەت باسشىسىنىڭ تاپسىرماسىنا سايكەس, 2023 جىلدان باستاپ بازالىق زەينەتاقىنى كەزەڭ-كەزەڭىمەن ارتتىرۋ جالعاسۋدا. 2025 جىلدىڭ 1 قاڭتارىنان باستاپ:

• بازالىق زەينەتاقىنىڭ ەڭ تومەنگى مولشەرى كۇنكورىس دەڭگەيىنىڭ 70%-نا دەيىن (32 360 تەڭگە),

• ەڭ جوعارى مولشەرى 110%-نا دەيىن (50 851 تەڭگە) جەتكىزىلدى.