Qazaqstanda ortasha jalaqy 403 251 teńgege jetti. Elimizde eń joǵary jáne tómen jalaqyny kimder alady?

Foto: ashyq derekkóz

Qazaqstandaǵy ortasha jalaqy 400 myńnan asty. Búginde eldegi ortasha aılyq kórsetkishi 403 251 teńgeni qurap otyr. Ulttyq statıstıka bıýrosy osyndaı málimet keltirdi. Al eń joǵary jáne tómen jalaqyny qaı maman ıeleri alady? kursiv.media derekter usyndy.

Bıýronyń 2024 jylǵy ekinshi toqsandaǵy esebine sáıkes, kásipkerlik qyzmetpen aınalysatyn shaǵyn kásiporyndarda jumys isteıtinderdi qospaǵanda, Qazaqstanda jaldamaly qyzmetkerlerdiń jalaqy qory úsh aıda 4,6 trln teńgeni quraǵan.

Búginde jaldamaly qyzmettegilerdiń naqty sany 3,8 mıllıonǵa jýyqtap otyr. Osylaısha, bir qyzmetkerdiń ortasha aılyq nomınaldy jalaqysy 403 251 teńge mólsherinde bolyp otyr. Al jalaqynyń medıandyq máni 278 296 teńgeni quraıdy.

Qazaqstanda eń joǵary jalaqyny kimder alady?

Qaı sala mamandary eń kóp jalaqy alady degenge toqtalsaq. Bıylǵy jyldyń ekinshi toqsanyndaǵy kórsetkishke sensek, eń joǵary jalaqyny qarjy jáne saqtandyrý qyzmeti salasynyń mamandary alyp otyr. Bul sala qyzmetkerleriniń aılyq jalaqysy 878 739 teńge kóleminde. Odan keıingi orynda aqparat jáne baılanys salasynyń qyzmetkerleri. Bul baǵytta jumys isteıtin mamandar 661 339 teńge tóńireginde jalaqy alady. Kásibı, ǵylymı jáne tehnıkalyq qyzmettegilerge 549 673 teńge shamasynda aılyq tólenip otyr. Eń tómengi ortasha jalaqy aýyl, orman jáne balyq sharýashylyǵyndaǵy qyzmetkerlerge tıesili, olar – 251 301 teńgeni mise tutýǵa májbúr.

«2023 jylǵy tıisti toqsanmen salystyrǵanda, ortasha aılyq jalaqynyń eń joǵarǵy ósimi qarjy jáne saqtandyrý qyzmeti – 23,3%, óner, oıyn-saýyq jáne demalys – 21,5% jyljymaıtyn múlikpen operaııalar – 21,1% salalarynda baıqaldy. Bilim berýde ortasha aılyq jalaqy 7,2%-ǵa, densaýlyq saqtaý jáne halyqqa áleýmettik qyzmet kórsetýde 5,6%-ǵa ósti», – dep habarlady Ulttyq Statıstıka bıýrosy.

Jalaqy mólsheri tómendegen salalar

Deı turǵanmen, eldegi ınflıaııany eskersek, naqty mándegi jalaqy kólemi byltyrǵy tıisti toqsanmen salystyrǵanda bes salada, kerisinshe, tómendegen. Atap aıtqanda, ákimshilik jáne qosalqy qyzmet kórsetýde – 8,7%, memlekettik basqarý jáne qorǵanysta – 3%, densaýlyq saqtaýda – 2,7%, bilim berýde – 1,2%, turý jáne tamaqtaný boıynsha qyzmet kórsetý – 0,4%-ǵa deıin tómendeýi baıqalady.

О́ńirlik bóliniske toqtalar bolsaq. Byltyrǵy jyldyń osyndaı kezeńimen salystyrǵanda 2024 jyldyń II toqsanynda ortasha aılyq ataýly jalaqynyń eń kóp ósýi Almaty qalasynda baıqalady. Elimizdegi eń iri megapolıste jalaqy – 14,3%-ǵa ósken.  Odan keıingi orynda 14%-dyq ósimmen Aqtóbe oblysy, úshtikti 12,9%-ben Pavlodar oblysy túıindeıdi.

Aıta keteıik, Eńbek jáne halyqty áleýmettik qorǵaý mınıstrligi Qazaqstandaǵy eń tómengi jalaqyny esepteýdiń halyqaralyq standarttaryn bekitpek. Sol maqsatta damýshy elderdi erekshe eskere otyryp, eń tómengi jalaqy týraly konvenııany ratıfıkaııalaý týraly zań jobasy ázirlenip, Májilis qaraýyna usynylmaq.

Jýyrda Almatynyń Ekonomıka basqarmasy eldegi eń iri megapolıs turyndarynyń ortasha aılyq jalaqysy mólsherin jarııalaǵan bolatyn.