قازاقستاندا پنەۆمونيا ءورشىپ تۇر: مينيسترلىك وميكرون شتاممىنىڭ بەلەڭ الىپ تۇرعانىن ايتتى

فوتو: ©AFP/Cris Bouroncle

ەلىمىزدە وكپەسى قابىنعان ناۋقاستاردىڭ سانى ايتارلىقتاي وسكەن. دەنساۋلىق ساقتاۋ مينيسترلىگى بۇل جاعدايدىڭ وميكرون شتاممىنىڭ باسقا نۇسقالارىنىڭ تارالۋىمەن بايلانىسى بار-جوعىن ءتۇسىندىردى. بۇل تۋرالى qandastar.kz Stan.kz اقپارات اگەنتتىگىنە سىلتەمە جاساپ حابارلايدى.

“جىل باسىنان بەرى العاشقى التى ايدا قازاقستاندا پنەۆمونيامەن 49 704 جاعداي تىركەلدى.  بۇل كورسەتكىش وتكەن جىلمەن سالىستىرعاندا 19,2 پايىزعا كوپ. 2023 جىلى وكپەسى قابىنعان ناۋقاستاردىڭ سانى 123 910 جەتتى. ونىڭ ىشىندە 40 144 جاعداي العاشقى التى ايدا تىركەلدى”, – دەپ مالىمدەدى مينيسترلىك.

ۆەدومستۆو پنەۆمونيانىڭ ورشۋىنە الەمدە بەلەڭ الىپ تۇرعان وميكرون JN.1 شتاممىنىڭ اسەرى بارىن ايتتى.

“قازاقستانداعى گەنەتيكالىق زەرتتەۋلەردىڭ سوڭعى مالىمەتتەرىنە سەنسەك, JN.1.13 – 61%; JN.1.18 – 22% جانە JN.1 – 8,7%. دۇنيەجۇزىلىك دەنساۋلىق ساقتاۋ ۇيىمىنىڭ مالىمەتى بويىنشا, JN.1 شتاممى ادام دەنساۋلىعىنا اسا قاۋىپتى ەمەس. جانە باسقا اينالىمداعى نۇسقالارعا قاراعاندا قاۋىپتى ەمەس. شتاممنىڭ جۇقپالىلىعىنىڭ ايتارلىقتاي جوعارى بولعانىنا قاراماستان ناۋقاس قاتتى اۋىرسىنۋدى سەزبەيدى”, – دەلىنگەن حابارلامادا.