قازاقستاندا تاعى ءبىر الەمدىك جۇلدىز كونتسەرت وتكىزەدى

تانىمال الەم جۇلدىزى تيلل ليندەماننىڭ ەلىمىزدە جەكە كونتسەرتى وتەدى, دەپ حابارلايدى Qandastar.kz اقپارات پورتالى.

Rammstein توبىنىڭ ءسوليسى تيلل ليندەمانن 2026 جىلدىڭ 7 قاڭتارىندا الماتىدا جەكە كونتسەرت وتكىزەدى.

شوۋ Almaty Arena ساحناسىندا وتەدى. Meine Welt (مەنىڭ الەمىم) تۋرى اياسىندا ۇيىمداستىرىلىپ وتىر. بيلەتتەر وسى اپتادا ساتىلىمعا شىعارىلادى. ساتىلىم جۇيەسى تومەندەگىدەي جۇزەگە اسىرىلماق:

• بەيسەنبى, 12:00 – Freedom Bank كارتاسى يەلەرى مەن Freedom SuperApp قولدانۋشىلارى ءۇشىن الدىن الا ساتىلىم;
• جۇما, 12:00 – بارلىق پلاتفورمالاردا اشىق ساتىلىم باستالادى.

سونداي-اق تيكەتون جانە وزگە دە ءىرى ونلاين-سەرۆيستەر ارقىلى ساتىپ الۋعا بولادى.

ايتا كەتەيىك, Till Lindemann – نەمىس ۆوكاليستى, اقىن جانە ليريك. Rammstein, Lindemann جانە Na Chui مەتالل توپتارىنىڭ فرونتمەنى. ول Apocalyptica, Phantom Vision, Puhdys, Knorkator جانە Emigrate توپتارىنىڭ, سونداي-اق كوۆاچ, زاز  سەكىلدى انشىلەردىڭ اندەرىن جازعان.