جاڭالىقتار
قازاقستاندا تانىمال Taobao پلاتفورماسى ىسكە قوسىلدى
قىتايدىڭ تانىمال ونلاين ساۋدا پلاتفورماسى Taobao ءورىستىلدى ءموبيلدى قولدانباسىن ۇسىنىپ, بۇگىن قازاقستاندا رەسمي ىسكە قوسىلعانىن جاريالادى. بۇل تۋرالى qandastar.kz سايتى حابارلايدى.
Taobao قازاقستاندىقتارعا تاۋارلاردىڭ ەگجەي-تەگجەيلى سيپاتتاماسىن ۇسىنىپ, باعاسىن تەڭگەمەن ەسەپتەپ بەرەدى. قازىر Taobao جەلىسىنىڭ بۇكىل قازاقستان بويىنشا 200-دەن استام قابىلداۋ پۋنكتى بار. الماتى, استانا جانە ەلىمىزدىڭ باسقا وڭىرلەرىن قامتيدى.
Taobao – شاعىن بيزنەسكە جانە “تۇتىنۋشى-تۇتىنۋشىعا” مودەلى بويىنشا ساۋدا-ساتتىققا باعىتتالعان قىتاي ينتەرنەت دۇكەنى. ينتەرنەت دۇكەن ساتىپ الۋشى مەن ساتۋشى اراسىندا دەلدال رەتىندە ارەكەت ەتەدى. Taobao-نى Alibaba Group كومپانياسى جاساپ شىعارعان. بۇل يەنتەرنەت دۇكەندە كيىم-كەشەكتەن تۇرمىستىق تەحنيكاعا دەيىنگى ونىمدەردىڭ كەڭ اسسورتيمەنتى ۇسىنىلعان.
Similarweb مالىمەتتەرى بويىنشا, اي سايىن 172 ميلليون پايدالانۋشىنى قامتيتىن ينتەرنەت دۇكەن الەمدەگى ەڭ كوپ كىرەتىن سايتتار اراسىندا 123-ورىندا تۇر.
