Qazaqstanda tanymal Taobao platformasy iske qosyldy

Qytaıdyń tanymal onlaın saýda platformasy Taobao orystildi mobıldi qoldanbasyn usynyp, búgin Qazaqstanda resmı iske qosylǵanyn jarııalady. Bul týraly qandastar.kz saıty habarlaıdy.

Taobao qazaqstandyqtarǵa taýarlardyń egjeı-tegjeıli sıpattamasyn usynyp, baǵasyn teńgemen eseptep beredi. Qazir Taobao jelisiniń búkil Qazaqstan boıynsha 200-den astam qabyldaý pýnkti bar. Almaty, Astana jáne elimizdiń basqa óńirlerin qamtıdy.

Taobao – shaǵyn bızneske jáne “tutynýshy-tutynýshyǵa” modeli boıynsha saýda-sattyqqa baǵyttalǵan Qytaı ınternet dúkeni. Internet dúken satyp alýshy men satýshy arasynda deldal retinde áreket etedi. Taobao-ny Alibaba Group kompanııasy jasap shyǵarǵan. Bul ıenternet dúkende kıim-keshekten turmystyq tehnıkaǵa deıingi ónimderdiń keń assortımenti usynylǵan.

Similarweb málimetteri boıynsha, aı saıyn 172 mıllıon paıdalanýshyny qamtıtyn ınternet dúken álemdegi eń kóp kiretin saıttar arasynda 123-orynda tur.