جاڭالىقتار
قازاقستاندا تەمەكى تاعى دا قىمباتتاۋى مۇمكىن
قازاقستاندا تەمەكىنىڭ ەڭ تومەنگى باعاسى قايتادان كوتەرىلۋى مۇمكىن, دەپ حابارلايدى Qandastar.kz اقپارات پورتالى.
قازاقستاننىڭ قارجى مينيسترلىگى اشىق نقا پورتالىندا تەمەكىنىڭ ەڭ تومەنگى باعاسىن كوتەرۋ بويىنشا بۇيرىق جوباسىن جاريالادى.
«جوبانىڭ ماقساتى – ءفيلترلى, ءفيلترسىز تەمەكىگە, پاپيروستارعا جانە قىزدىراتىن تەمەكىسى بار ونىمدەرگە ەڭ تومەنگى بولشەك ساۋدا باعاسىن بەلگىلەۋ», – دەلىنگەن حابارلامادا.
قۇجاتتى 19 ماۋسىمعا دەيىن تالقىلاۋعا بولادى. قارجى مينيسترلىگىنىڭ قازىرگى بۇيرىعىنا سايكەس, 2025 جىلدىڭ 1 قاڭتارىنان ەڭ تومەنگى باعا 870 تەڭگە.
