جاڭالىقتار
قازاقستاندا توتەنشە جاعدايلاردىڭ الدىن الۋ كوميتەتى پايدا بولادى
توتەنشە جاعدايلار مينيسترلىگى جانىنان جاڭا مەملەكەتتىك ورگان – توتەنشە جاعدايلاردىڭ الدىن الۋ كوميتەتى قۇرىلادى. ءتيىستى قاۋلى ءمينيستردىڭ قولىمەن «اشىق نقا» پورتالىندا جاريالاندى.
قۇجاتتىڭ تۇسىندىرمە جازباسىندا جازىلعانداي, جوبانى ىسكە اسىرۋ 1 ملرد 638 ملن 715 مىڭ تەڭگە (2024-2028 جج.) مولشەرىندە قوسىمشا قارجىنى تالاپ ەتىپ وتىر.
اتالمىش باعدارلامانى ىسكە اسىرۋ ورتالىق مەملەكەتتىك جانە جەرگىلىكتى اتقارۋشى ورگاندارعا قاتىستى تابيعي جانە تەحنوگەندىك سيپاتتاعى توتەنشە جاعدايلاردىڭ الدىن الۋ ماسەلەلەرىندە باقىلاۋدى جۇزەگە اسىرۋعا مۇمكىندىك بەرەدى دەپ كۇتىلۋدە.
جوبا 24 مامىرعا دەيىن كوپشىلىكتىڭ تالقىلاۋىنا ۇسىنىلدى.
