Qazaqstanda úsh ret asharshylyq bolǵan – Amandyq Ámirhamzın

«QASQA JOL» ıýtýb baǵdarlamasynyń bul aptadaǵy qonaǵy ólketanýshy, tarıhshy Amandyq Ámirhamzın asharshylyq jyldary Qazaqstandaǵy ózge ult ókilderiniń jaı-kúıi qandaı bolǵanyn  jáne Bessmertnyı polk sherýine ruqsat bergen bılik ashtyq pen qýǵyn-súrgin qurbandaryn eske alýǵa arnalǵan sherýlerge nege ruqsat bermegeni jaıly sóz qozǵady, dep habarlaıdy qandastar.kz

«Qazaq tarıhyna kóz tastasaq, halqymyz árqashan kúresýmen kele jatyr, óziniń quqyǵy, táýelsizdigi úshin kúres, ásirese Keńes dáýirindegi 70 jyldyq halqymyzdyń ómir súrýine, qalypty damýyna edáýir áser etti. Al endi asharshylyq týraly sóz qozǵar bolsaq, 31-i kúngi datany biz bólip qarastyrýymyz kerek, ıaǵnı naqty repressııa qurbandary, máselen 1937 jyly repressııaǵa ushyraǵan Alashtyń arda azamattary, zııaly qaýym ókilderin eske alýymyz kerek. Tólen Ábdik bir sózinde «repressııa jyldary bizdiń aýylda qýǵynǵa ushyramaǵan adam qalmapty», degen bolatyn.  Iaǵnı, repressııa árbir eresek adamǵa qatysty bolatyn bolsa, asharshylyq ár qazaqqa tikeleı áser etti. Sondyqtan meniń oıymsha, bul eki datany bólip, birin asharshylyq qurbandaryn eske alý kúni retinde, al ekinshi datany repressııa qurbandaryn eske alý kúni retinde belgileý kerek», — dedi ol.

Tarıhshy Ámirhazınnyń paıymynsha, bulaı bólýdiń sebebi qıyn-qystaý kezeńde, elim-jerim dep janyn qıǵan ata-baba árýaǵyna kishkene de bolsa qurmetimiz bolar edi.

sn.kz jazǵandaı,  ol bessmertnyı polk sherýine ruqsat bergen bılik ashtyq pen qýǵyn-súrgin qurbandaryn eske alýǵa arnalǵan sherýlerge nege ruqsat bermegeni týraly da sóz qozǵap ótti.

«Bul alalaý ǵoı bylaısha aıtqanda. Sebebi bessmertnyı polkke ruqsat beresiń de  atamdy eske alam dep shyǵatyn kisige ruqsat bermeısiń. Meniń oıymsha, bul nonsens. Sáıkesinshe, mundaı jaǵdaı halyqtyń basym kópshiliginiń ashý-yzasyn týǵyzady», — dep qorytyndylady ólkentanýshy.