Qazaqstanda jeńildetilgen avtonesıe qaıtadan berile me?

Foto: renault-rostov.ru

О́nerkásip jáne qurylys mınıstri Qanat Sharlapaev jeńildetilgen avtonesıeleý baǵdarlamasyna qatysty pikir bildirdi, dep habarlaıdy qandastar.kz  Skifnews.kz aqparat portalyna silteme jasap.

«Jeńildetilgen nesıeleýge eshkimniń eshqashan kóńili tolmaıdy. Bul túsinikti. Sebebi adam kóp, qarjy az. О́zderińizge belgili, avtokólik óndirýshiler men qarjy naryǵy bir orynda turmaıdy. Qazir Úkimet jeke tulǵalarǵa lızıng engizý boıynsha túzetýlerdi zańnamalyq túrde qoldady. Bul kólikti satyp alýdy jeńildetedi. Kólik satatyn kompanııalardyń ózi túrli qarjylyq quraldardy jasap, kólikterdi bólip tóleý boıynsha satyp jatyr. Jeńildetilgen avtonesıeleýge baǵyttalǵan qarajatqa keler bolsaq, bul qarjy qoǵamdyq kólikti damytýǵa jumsaldy. Bul durys ustanym dep esepteımin. Kólikterge jeńildetilgen nesıe berýdiń ornyna biz qoǵamdyq kólikterdiń sapasyn jaqsartyp jatyrmyz», – dep jaýap berdi mınıstr.

Onyń sózinshe, jeńildetilgen avtonesıeleý máselesi 1,5 jyl buryn jabyldy.

«Endi bul qarajat qoǵamdyq kólikti damytýǵa jumsalady», – dedi Qanat Sharlapaev.