جۇمىسشى ماماندىقتار جىلى اياسىندا قوعامدىق قولداۋ ورتالىعى قۇرىلادى

فوتو: اشىق دەرەككوز

قازاقستاندا جۇمىسشى ماماندىقتار جىلىن وتكىزۋدى قوعامدىق قولداۋ ورتالىعى جاڭا جىلدان سوڭ ىسكە اسىرماق, دەپ جازدى qandastar.kz

ورتالىقتى قۇرۋ باستاماسىن «ادىلدىك جانە وركەندەۋ» قوعامدىق قورى باق وكىلدەرىنە ارنالعان ارنايى ءىس-شارادا جاريالادى.

ورتالىق ۇەۇ, قوعام بەلسەندىلەرى مەن جۇمىسشى ماماندىقتار جىلىن لايىقتى وتكىزۋگە نەمقۇرايلى قارامايتىن ازاماتتار ءۇشىن ورتاق الاڭعا اينالماق. قور بۇل ءۇشىن adalenbek.kz ارنايى سايتىن جاسايدى. سايتتا ەلدەگى ەڭبەك ادامدارىن قولداۋعا ارنالعانقوعامدىق ءىس-شارالاردىڭ ينتەراكتيۆتى كارتاسى جاساقتالادى. قور وسى رەتتە, اقپاراتتى ءبىر رەسۋرستا جيناۋ ءۇشىن ۇكىمەتتىك ەمەس ۇيىمداردى باستامالارى تۋرالى اقپارات بولىسۋگە شاقىرادى. بۇل كەز كەلگەن قازاقستاندىق ءۇشىن ىڭعايلى بولماق, ياعني ءبىر سايتقا كىرىپ, وتەتىن ءىس-شارالار تۋرالى اقپارات الىپ, قاتىسۋعا مۇمكىندىك بەرەدى. اقپاراتتى adildik.org.kz@gmail.com پوشتاسىنا جىبەرۋگە بولادى.

سونداي اق, «ادىلدىك جانە وركەندەۋ» قور جۇمىسشى ماماندىقتار جىلى اياسىندا بىرقاتارءتول باستامانى جۇزەگە اسىرادى.

سولاردىڭ ءبىرى – «ەڭبەك داڭقى» ونلاين-كىتابى. بۇل ەڭبەكپەن وتباسىن اسىراپ, ەل ەكونوميكاسىن ەسەلەۋگە ۇلەس قوسىپ جۇرگەن ءسىز بەن ءبىزدىڭجاقىندارىمىزدىڭ ەسىمى جازىلاتىن ەستەلىك كىتابىنا اينالادى. «ەڭبەك داڭقى» ونلاين-كىتابىنا كەز كەلگەن قازاقستاندىق لايىقتى دەگەنجاندى قوسا الادى. بۇل كىتاپ تا adalenbek.kz ارنايى پورتالىنا جۇكتەلەدى.

قور جۋرناليستەر مەن بلوگەرلەراراسىندا «ەڭبەك ادامى تۋرالى ەڭ ۇزدىك ماتەريالعا» بايقاۋ جاريالايدى. كونكۋرسقا جۋرناليستەر مەن كەمىندە 3 مىڭ جازىلۋشىسى بار بلوگەرلەر قاتىسا الادى. جۇمىستار ءتۇرلى جانردا,  بىرنەشە نوميناتسيا بويىنشا قابىلدانادى. كەلىپتۇسكەن جۇمىستاردى قۇرامىندا بەدەلدى مەديا ماماندار مەن قور وكىلدەرى كىرەتىن قازىلار القاسىباعالايدى.

العاشقى جەڭىمپازدار جۋرناليستەر كۇنىنە وراي ماراپاتتالادى. ال, 2025 جىلدىڭسوڭىندا جالپى قورىتىندىسى شىعارىلادى.

«بۇل باستامالاردىڭ ىشىندە ەرەكشە ورىن الاتىنى – «ەڭبەك داڭقى» كىتابى جوباسى. بارلىققازاقستاندىقتى ءوز جاقىندارىنىڭ ەڭبەك جولىتۋرالى ەستەلىكتەرىن بولىسۋگە شاقىرامىز.

جۇمىسشى ماماندىقتار جىلى – بۇل ەڭبەكپەنكەلگەن ناننىڭ ءتاتتى بولاتىنىنا, قوعامنىڭ دامۋىءۇشىن ادال ەڭبەكتىڭ ماڭىزدىلىعىنا ەرەكشە ەكپىنتۇسىرەتىن ۋاقىت. بۇل باستامالاردى بۇكىل قوعامبولىپ قولداپ, جۇزەگە اسىرۋعا بەلسەندى قاتىسسادەيمىز. ءبىزدىڭ ماقساتىمىز – ۇەۇ, بەلسەندىلەر مەن بارلىق مۇددەلى ازاماتتاردىڭ كۇش-جىگەرىن بىرىكتىرۋ, ەڭبەك ادامىنىڭ بەدەلىن نىعايتۋ جانەالەۋمەتتىك ادىلدىك قۇندىلىقتارىن ىلگەرىلەتۋ.

ەلىمىزدە جۇمىسشى ماماندىقتار جىلىن وتكىزۋدىقوعامدىق قولداۋ ورتالىعى كۇشىمىز بەن ءۇنىمىزدىبىرىكتىرەتىن پلاتفورماعا اينالادى دەپ سەنەمىز. ءبىزبىرىگە وتىرىپ, ەڭبەك ادامىنىڭ ەلدىڭ بولاشاعىمەن وركەندەۋىنىڭ قۋاتتى نەگىزى بولاتىنىن كورسەتەمىز!»,- دەدى قور ديرەكتورى دانا رىسمۇحامەدوۆا ءباسپاسوز ءماسليحاتىندا.