Qazaqstanda jýrnalısterge talap kúsheıedi: Balaeva tilshilerdiń ýájine jaýap berdi

Foto: Tengrınıýs kz

“Ashyq” portalynda aqparat mınıstrliginiń jýrnalısterdi akkredıtteýge qatysty buıryq jobasy jarııalandy, – dep habarlaıdy qandastar.kz atamekenbusiness_qaz telegram arnasyna silteme jasap.

Qujatqa sáıkes, jýrnalıst resmı sharadan alǵan aqparatty áleýmettik jelisinde jarııalasa, kelesi joly Úkimet, Parlament qabyrǵasyna kirgizilmeıdi. Iaǵnı alynǵan resmı málimet tek óziniń jumys isteıtin telearnasynda ne saıt, gazet-jýrnalynda shyǵýy tıis. Sondaı-aq shara reglamenti men memlekettik mańyzy bar nysandarda tártipti saqtaýǵa mindetti. Oryndamaǵan jaǵdaıda akkredıtaııadan aıyrylady. (2 ret eskertý beriledi)

Bul másele kesheli beri jýrnalısterdiń narazylyǵyn týǵyzyp otyr. Búgin mınıstr Balaeva osy máselege jaýap berdi.

Sózinshe, BAQ-tyń jumys isteýin ýaqytsha toqtatý nemese múldem jabý sot sheshimi kúshine engen jaǵdaıda ǵana múmkin bolmaq. Sondaı-aq mınıstr jýrnalıster saqtaýy tıis talaptarǵa da toqtalǵan.

“Birinshiden, kez-kelgen jýrnalıst qaı BAQ atynan akkredıtaııadan ótse, sol redakııaǵa ǵana aqparatty jınap, jarııalaı alady. Alaıda jýrnalıstke birden birneshe BAQ atynan akkredıtaııa alýǵa eshkim tıym salmaıdy.

Ekinshiden, bul talap belgili bir oqıǵaǵa/is-sharaǵa qatysty jýrnalısterdiń jeke pikirleri men ustanymdaryn áleýmettik jelilerdegi jeke akkaýnttarynda bildirýge qatysy joq.

Úshinshiden, reglament máselesine keletin bolsaq, qoldanystaǵy erejelerde qazirdiń ózinde is-sharaǵa qatysýshylardyń taqyrypty, ýaqyt tártibin, qoǵamdyq tártipti saqtaýyn is-shara moderatory qamtamasyz etetini qarastyrylǵan.

AQSh pen Eýropalyq Odaqtyń jáne halyqaralyq uıymdardyń halyqaralyq tájirıbesi kórsetkendeı, belgilengen erejelerdi, sondaı-aq zańnamany buzǵan jaǵdaıda jýrnalıst is-sharalarǵa qatysý quqyǵynan jáne akkredıtaııadan aıyrylady.

Tórtinshiden, erejede árbir memlekettik organnyń nemese uıymnyń belgili bir is-sharanyń reglamentin ózi bekitetindigi kórsetilgen.

Besinshiden, erekshe mańyzdy memlekettik obektilerge kirý jáne sol mekemelerdegi rejımderdi ustaný da qoldanystaǵy zańnamany saqtaý men qaýipsizdiktiń aınymas bóligi”, – dedi mınıstr.