جاڭالىقتار
قازاقستاندىق ايەل Telegram-ارناسى ارقىلى 20 مىڭ تەڭگە تابىس تاۋىپ, جارتى ميلليون قارىز بولعان
فوتو: Shutterstock
قوستاناي وبلىسىنداعى جىتىقارا اۋداندىق سوتى جەرگىلىكتى تۇرعىننىڭ اتىنا 1,5 ميلليون تەڭگە كولەمىندەگى بانكتىك نەسيەنى بىلمەي بەرگەن ازاماتتىڭ ءىسىن قارادى. بۇل تۋرالى Stan.kz اقپارات اگەنتتىگى حابارلايدى.
سوتتىڭ حابارلاۋىنشا, نەسيە ايەلدىڭ اتىنان وتكەن جىلدىڭ ناۋرىز ايىندا ونلاين-ءوتىنىش ارقىلى بەرىلگەن.
«سول كۇنى ءموبيلدى قوسىمشا ارقىلى تالاپكەردىڭ بانكتىك شوتىنان جاۋاپكەردىڭ بانكتەگى كارتوچكالىق شوتىنا 500 مىڭ تەڭگە سوماسىندا قاراجات اۋدارىلدى», – دەدى سوت.
ايەل الاياقتىق فاكتىسى بويىنشا قۇقىق قورعاۋ ورگاندارىنا حابارلاسقان. سودان كەيىن قىلمىستىق كودەكستىڭ 190-بابى 2-بولىگى 4-تارماعى (الاياقتىق) بويىنشا قىلمىستىق ءىس قوزعالدى. سوتتا سوتتالۋشى ءوز كىناسىن مويىنداپ, قۇپيا ءسوزدى ۇشىنشى تۇلعالارعا بەرگەنىن ايتتى.
«2023 جىلدىڭ ناۋرىز ايىندا ول Telegram-ارناسىندا اقشا تابۋعا بولاتىنىن كورگەن. ول ءۇشىن ءموبيلدى قولدانبادا اككاۋنت اشقان. سودان كەيىن ول اككاۋنتتىڭ قۇپيا ءسوزىن ءۇشىنشى تۇلعاعا بەرگەن. ولاردىڭ ءوتىنىشى بويىنشا ول 20 مىڭ تەڭگە العان. ارتىنشا موبيلدى قوسىمشاسىن پايدالانا الماي قالعان», – دەپ حابارلادى سوت.
لوگين, پارول نەمەسە ءبىر رەتتىك كودتار ارقىلى ينتەرنەت جانە ءموبيلدى بانكينگ ارقىلى جۇرگىزىلگەن بارلىق وپەراتسياعا بانك كليەنتتەرىنىڭ وزدەرى جاۋاپتى بولعاندىقتان, سوت تالاپ ارىزدى قاناعاتتاندىرۋ تۋرالى شەشىم قابىلدادى.
شەشىم زاڭدى كۇشىنە ەنگەن جوق.
وبلىستىق سوت شەشىمى بويىنشا, جاۋاپكەر تالاپكەرگە 500 مىڭ تەڭگە تولەۋگە مىندەتتەلدى. جابىرلەنۋشى ەكىنشى تۇلعادان ءبىر ميلليون تەڭگە ءوندىرىپ الۋ ءۇشىن ءتيىستى ورگانعا شاعىم ءتۇسىردى.
ايتا كەتەيىك, بۇعان دەيىن تۇركىستاندا مەملەكەتتەن گرانت العىسى كەلگەن ايەل الاياققا الدانىپ قالعانى تۋرالى جازعان ەدىك.
