Qazaqstandyq ákimderdiń 60%-y buryn ákim bolmaǵan jáne memlekettik qyzmette jumys istemegen

Foto:Midjourney

Vıe-premer Qanat Bozymbaev elimizde «Ákimder mektebi» jumysyn bastaǵanyn málimdedi. Onyń aıtýynsha, biliktilikti arttyrý baǵdarlamasy aýyldyq aımaqtardyń damýyna jańa serpin bolyp, halyqtyń turmys deńgeıin jaqsartýǵa múmkindik beredi, dep  habarlaıdy qandastar.kz

Stan.kz jazǵandaı, oqytý jobasy ekonomıka, memlekettik basqarý, bıýdjettik josparlaý, kommýnaldyq menshikti basqarý, ıfrlandyrý, táýekel-menedjment, kásipkerlikti damytý jáne ınvestıııalar tartý salasynda 17 modýl men 240 akademııalyq saǵatty qamtıdy.

Qanat Bozymbaevtyń sózinshe, 2021 jyldan bastap aýyl ákimderin saılaý azamattardyń jergilikti ózin-ózi basqarýǵa belsendi qatysýyn qamtamasyz etti. Sóıtip ákimderdiń jaýapkershiligin arttyrdy. Sodan beri 2,5 myńnan astam aýyl ákimderi saılanǵan.

«Jańa laýazymǵa kelgenniń bári 60%-y buryn ákim bolmaǵan jáne memlekettik qyzmette jumys istemegen. Keıbireýleri – kásip ıeleri nemese partııa qyzmetkerleri. Osylaısha, ákimder korpýsy aıtarlyqtaı jańartyldy. 2023 jyly aýdandar men oblystyq mańyzy bar qala ákimderiniń pılottyq saılaýy ótti. Barlyq óńirde 45 ákim saılandy. Bıyldan bastap barlyq aýdannyń ákimi tikeleı saılaý arqyly ǵana qyzmetke kirisedi. Buǵan baılanysty búgingi «Ákimder mektebin» iske qosý ýaqytyly ári oryndy sheshim dep sanaımyn. Biliktilikti arttyrý baǵdarlamasy aýyldyq aımaqtardyń damýyna jańa serpin berip, halyqtyń turmys deńgeıin jaqsartýǵa múmkindik beredi», – dedi Qanat Bozymbaev.

Eske salaıyq, buǵan deıin 28 qańtarda úkimettiń keńeıtilgen otyrysynda prezıdent Qasym-Jomart Toqaev saılanatyn ákimder arasynda memlekettik qyzmette istemegen ári jastar kóp ekenin aıtyp, olardy daıyndyqtan ótkizý úshin “Ákimder mektebi” jobasyn qosýdy tapsyrdy.