جاڭالىقتار
قازاقستاندىق اۋىل مۇعالىمى شەتەلدىك رەپەر نيككي ءميناجدىڭ دىبىس پروديۋسەرى اتاندى
فوتو: اشىق دەرەككوز
اباي اۋدانىنداعى اۋىلدىڭ بيولوگيا ءپانىنىڭ مۇعالىمى ەرقانات سادۋحانوۆ ايگىلى شەتەلدىك ءانشى نيككي ميناجدىڭ دىبىس پروديۋسەرى بولدى. بۇل تۋرالى qandastar.kz Stan.kz اقپارات اگەنتتىگىنە سىلتەمە جاساپ حابارلايدى.
ەرقانات سادۋحانوۆ – اباي اتىنداعى مامانداندىرىلعان مەكتەپ-گيمنازيا-ينتەرناتىنىڭ بيولوگيا ءپانىنىڭ مۇعالىمى. مۋزىكا الەمىندە ول Eraholic لاقاپ اتىمەن تانىمال. جاس مۇعالىم ءوزىنىڭ پاراقشاسىندا رەسمي تۇردە نيكي ميناجدىڭ Pink Friday 2 البومىنىڭ ليۋكس نۇسقاسىنىڭ دىبىس پروديۋسەرى بولعانىن حابارلادى.
بۇعان دەيىن مۇعالىم دۋا ليپا, Blackpink توبىنداعى Rosalia جانە Lisa سياقتى الەمدىك جۇلدىزدارمەن جۇمىس ىستەگەن. قازىر ول نيككي ميناج جانكۇيەرلەرى ءۇشىن ەرەكشە نارسە دايىنداپ جاتىر.
«البوم 13 جەلتوقساندا شىعارىلادى دەپ جوسپارلانىپ وتىر. كەڭەيتىلگەن باسىلىم 2023 جىلعى تۇپنۇسقا البومنىڭ مەرەيتويىنا ارنالعان جانە تىڭدارماندارىنا جاڭا شىعارمالاردى ۇسىنادى. ۇستاز ەرقانات سادۋحانوۆ ۇستازدىق قىزمەتىن سۇيىكتى ىسىمەن ۇشتاستىرا وتىرىپ, حالىقارالىق جوبالاردا كرەاتيۆتىلىك تانىتىپ جاتىر», – دەپ مالىمدەدى اباي اۋدانى اكىمدىگىنىڭ ءباسپاسوز قىزمەتى.
نيككي ميناج – الەمدەگى ەڭ تابىستى رەپەرلەردىڭ ءبىرى. ول كوپتەگەن ماراپاتتاردىڭ, سونىڭ ىشىندە ەڭ ۇزدىك حيپ-حوپ ايەل ءارتىسى ءۇشىن ASCAP سىيلىعىنىڭ يەگەرى جانە جاقىندا ەمينەمدى باسىپ وزىپ, ەڭ كوپ قارالعان رەپەر ايەل اتاندى.
بۇعان دەيىن ونىڭ الەمدىك ءحيتتىڭ ءبيتىن جازعانىايتىلدى.
