Qazaqstandyq aýyl muǵalimi sheteldik reper Nıkkı Mınajdiń dybys prodıýseri atandy

Foto: ashyq derekkóz

Abaı aýdanyndaǵy aýyldyń bıologııa pániniń muǵalimi Erqanat Sadýhanov áıgili sheteldik ánshi Nıkkı Mınajdyń dybys prodıýseri boldy. Bul týraly qandastar.kz Stan.kz aqparat agenttigine silteme jasap habarlaıdy.

Erqanat Sadýhanov – Abaı atyndaǵy mamandandyrylǵan mektep-gımnazııa-ınternatynyń bıologııa pániniń muǵalimi. Mýzyka áleminde ol Eraholic laqap atymen tanymal. Jas muǵalim óziniń paraqshasynda resmı túrde Nıkı Mınajdyń Pink Friday 2 albomynyń lıýks nusqasynyń dybys prodıýseri bolǵanyn habarlady.

Buǵan deıin muǵalim Dýa Lıpa, Blackpink tobyndaǵy Rosalia jáne Lisa sııaqty álemdik juldyzdarmen jumys istegen. Qazir ol Nıkkı Mınaj jankúıerleri úshin erekshe nárse daıyndap jatyr.

«Albom 13 jeltoqsanda shyǵarylady dep josparlanyp otyr. Keńeıtilgen basylym 2023 jylǵy túpnusqa albomnyń mereıtoıyna arnalǵan jáne tyńdarmandaryna jańa shyǵarmalardy usynady. Ustaz Erqanat Sadýhanov ustazdyq qyzmetin súıikti isimen ushtastyra otyryp, halyqaralyq jobalarda kreatıvtilik tanytyp jatyr», – dep málimdedi Abaı aýdany ákimdiginiń baspasóz qyzmeti.

Nıkkı Mınaj – álemdegi eń tabysty reperlerdiń biri. Ol kóptegen marapattardyń, sonyń ishinde eń úzdik hıp-hop áıel ártisi úshin ASCAP syılyǵynyń ıegeri jáne jaqynda Emınemdi basyp ozyp, eń kóp qaralǵan reper áıel atandy.

Buǵan deıin onyń álemdik hıttiń bıtin jazǵanyaıtyldy.