Qazaqstandyq balalar ruqsatsyz foto-vıdeosyn jelige jarııalaǵan ata-anasyn sotqa bere alady

Foto: Freepik.com

Kámelettik jasqa tolǵan bala kishkentaı kezindegi fotony jelige jarııalanǵany úshin ata-anasyn jaýapqa tarta alady. Iaǵnı jasóspirimge eski foto-vıdeosy unamasa, ony paraqshaǵa júktegen áke-sheshesinen aıyppul óndirýge quqyly. Bul týraly Stan.kz aqparat agenttigi habarlaıdy.

Elimizdiń azamattyq kodeksiniń 145-babyna sáıkes, adamnyń foto nemese vıdeosy tek onyń kelisimimen jarııalanýy tıis. Kámelet jasyna tolmaǵan balanyń vıdeosyn áleýmettik jelige júkteýge tek onyń ata-anasy quqyly. Alaıda «áke-sheshem fotomdy ruqsatsyz jarııalady” dese, onda ol 18 jasqa tolǵannan keıin ata-anasynan fotolardy óshirýin talap etip, qajet bolǵan jaǵdaıda moraldyq shyǵyn óndirip ala alady.

“Eger bala kámelettik jasqa tolǵannan keıin onyń fotosýretteri áleýmettik jelilerde jarııalanyp, onyń quqyqtaryna nemese abyroıyna nuqsan keltirilse, óziniń ata-anasyna qarsy sotqa júgine alady. Sot qaraý kezinde naqyt jaǵdaılardy eskeredi. Iaǵnı, bul fotosýretterdiń mazmuny qandaı, qandaı kontekste jarııalanǵan jáne moraldyq zııan bar ma, joq pa sony anyqtaıdy”, – dedi zańger Alına Toıbaı.

Mamandar balalardyń fotosyn júkterde saq bolýǵa shaqyrady. Máselen búldirshinniń jalańash nemese jartylaı jalańash foto-vıdeosyn jarııalaýǵa bolmaıdy. Sondaı-aq balanyń jıi ýaqyt ótkizetin orny men mekenjaıyn aıǵaqtaıtyn foto salmaýǵa keńes beredi. О́ıtkeni alaıaqtar dál osy foto arqyly júrgenin jerin tez anyqtap, óziniń aram nıetin iske asyrýy múmkin. Bunymen qosa, onyń jeke derekterin kórsetetin fotony júktemegen jón.