قازاقستاندىق بلوگەر 8 مىڭ ينفليۋەنسەرگە سالىق كوميتەتىنەن حات كەلگەنىن ايتتى

فوتو Orda.kz

قازاقستاندىق بلوگەر الىشەر ەلىكباەۆ الەۋمەتتىك جەلىلەردە 8 مىڭ بلوگەرگە سالىق كوميتەتىنەن حاتتار كەلىپ جاتقانىن جەتكىزدى. ايتۋىنشا, بلوگەرلەر ميللياردتاعان تەڭگە سالىق تولەمەدى دەپ ايىپتالىپ وتىر. بۇل تۋرالى qandastar.kz حابارلادى.

ەلىكباەۆتىڭ سوزىنشە, ەلىمىزدەگى كوپتەگەن بلوگەر, ۆاينەر, ازىلكەشتەر 2022 جانە 2023 جىلدارعا سالىق تولەمەگەنى تۋرالى حابارلاما الىپ جاتىر.

«مۇنداي حاتتى 8 مىڭ ادام الدى دەگەن قاۋەسەت بار. ولاردىڭ اراسىندا بلوگەرلەر, ازىلكەشتەر, ۆاينەرلەر, ءتىپتى گەننادي گولوۆكين دە بار. سوندا ەندى تولىعىمەن ولاردى تابىسسىز قالدىرۋعا شەشىم شىعارىلدى ما? ارينە ەشكىمدى اياي المايمىز. ويتكەنى  بارلىعىمىز الەۋمەتتىك جەلىدە قازاقستاندىقتاردى تىتىركەندىرەتىن ءوزىمىزدىڭ عاجايىپ ءومىرىمىزدى كورسەتەمىز», — دەدى ول ءوزىنىڭ Instagram پاراقشاسىندا.

ونىڭ ايتۋىنشا, كەيبىر بلوگەرلەر ميلليارد تەڭگەگە سالىق تولەمەدى دەپ ايىپتالىپ وتىر.

«بۇل رەكورد جاڭارتۋ شىعار. 300-400 ميلليون تەڭگەدەن تولەۋگە مىندەتتەلگەن بلوگەرلەر بار. بىرنەشە دوستارىما 100 ميلليون تەڭگەگە جۋىق كەلگەن. ەندى ولار: «سالىق تولەپ, تىنىش ۇيىقتاڭىزدار» دەپ ايتا باستادى. الايدا بۇل ايتىپ وتىرعان جىگىتتەردىڭ بارلىعى تولەۋگە ءتيىس سالىعىن بۇرىن وتەگەن. سوندىقتان تاڭعالىپ وتىرمىز. قازىر كوپشىلىك سالىق كوميتەتىنىڭ ەسىگىن توزدىرىپ ءجۇر. ەندى ءار تيىن ءۇشىن ەسەپ بەرۋ ۇسىنىلىپ وتىر», – دەپ اشۋلاندى ول.

Stan.kz جازعانداي, ەلىكباەۆ سالىق سالۋشىلار باعانى تۇسىنىكسىز تۇردە, دۇرىس ەمەس ەسەپتەپ سالىپ جاتقانىن العا تارتتى.

«ميلليارد تەڭگە سالىق سالعان دوسىمنىڭ بارلىق بانك كارتالارى بويىنشا اينالىمدارىن قاراعان. جىلجىمايتىن م ۇلىك پەن اۆتوكولىك ساتىپ العانىن ەسەپتەگەن. بىراق بۇل ادام وسى مۇلكىنە قاراجاتتى 2022-2023 جىلى ەمەس, ودان ەرتەرەكتە تاۋىپ, جيناعان. ال ول ءۇشىن سالىقتى كەزىندە تولەپ تە قويعان», — دەپ اتاپ ءوتتى قازاقستاندىق.

بلوگەر كوپ جىلدار بويى اشىق جۇمىس ىستەگەنىن جانە بارلىق سالىقتاردى تولەگەنىن العا تارتتى. بىراق سونىڭ وزىنە 5 ميلليون تەڭگەگە قانداي دا ءبىر زاڭ بۇزۋشىلىقتار تاپقانىن العا تارتتى.

«مۇنىڭ سوڭى جاقسىلىققا اكەلمەيدى. جىگىتتەر كەيىنگى جىلدارى عانا تابىسقا شىعىپ, ول ءۇشىن سالىق تولەي باستادى. الايدا بۇدان كەيىن ولار قايتا سونە باستايدى. بۇل اركىمنىڭ قولما-قول اقشا ارقىلى تابىستى جاسىرا باستاۋىنا جانە قارا كاسسالارعا اۋىسۋىنا اكەلەدى. وسىلايشا, سالىق بازاسى ازايادى», – دەپ تۇيىندەدى الىشەر ەلىكباەۆ.