Qazaqstandyq dárigerlerdiń ortasha jalaqysy – 597 myń teńge

Foto: ashyq derekkóz

Qazaqstannyń densaýlyq saqtaý mınıstrligi 2024 jyly elimizdegi aq halattylardyń aılyǵy týraly aıtty. Vedomstvo qazaqstandyq dárigerlerdiń ortasha jalaqsy 597 myń teńge bolyp belgilengenin málim etti. Sondaı-aq mınıstrlik ókili medıına qyzmetkerleri jumys ótiline jáne biliktiligine qaraı aılyq alatynyn málimdedi, dep habarlaıdy qandastar.kz

Mınıstrliktiń málimetinshe, 2020 jyldan bastap 2023 jylǵa deıin, ıaǵnı 4 jyl aralyǵynda medıına qyzmetkerleriniń jalaqysyn jyl saıyn arttyrý josparlandy. Atap aıtqanda, dárigerdiń aılyǵy 30%-ǵa, orta medıına qyzmetkeriniń (felsher, akýsher, meıirger, sanıtarlyq feldsher) jalaqysy 20%-ǵa kóbeıdi.

2024 jyldyń úshinshi toqsany boıynsha jalaqy mólsheri mynadaı (bir stavka):

• Sanaty joq, jumys ótili 1 jylǵa deıingi aýyl dárigeriniń jalaqysy – 306,8 myń teńge bolsa, qalada dárigerler 384,4 myń teńge aılyq alady.

2023 jyly eńbek tájirıbesi 1 jylǵa deıingi, eshqandaı sanatqa jatpaıtyn dárigerlerdiń jalaqysy shamamen 306,8 myń teńge boldy.

• Bıyl 1-sanatty, 13-16 jyl jumys ótili bar orta býyndy medıına qyzmetkerleriniń aılyǵy 222,5 myń teńge bolyp belgilendi. Bul sanat boıynsha aýylda jumys isteıtin orta býyndy medıına qyzmetkerleri 245,9 myń teńge, al qalada 199,2 myń teńge jalaqy alady.
• Al 1-sanatty, 13-16 jyl jumys ótili bar dárigerdiń jalaqysy – 401,5 myń teńge. Bul sanattaǵy dárigerler aýylda 445,5 myń teńge jalaqy alsa, qalalyq dárigerler 357,5 myń teńge aılyq belgilengen.

Aıta keteıik, ótken jyly 13–16 jyl eńbek ótili (1 stavka) bar birinshi sanatty jalpy tájirıbelik dárigerdiń jalaqysy shamamen 384 myń teńge edi.

• Al 1-sanatty, eńbek ótili 20 jyldan joǵary aýylda turatyn jalpy tájirıbelik dárigerler 400,7 myń teńge, qalalyqtar 501,7 myń teńge jalaqy alady. Al byltyr eńbek ótili 25 jyldan joǵary (1 stavka) joǵary sanatty jalpy tájirıbelik dárigerdiń jalaqysy shamamen 430,6 myń teńge edi.

Sonymen qatar jergilikti atqarýshy organdardyń aqparatyna sáıkes, 2024 jyly qosymsha tólemderdi, aqyly qyzmetterdi, keshendi jan basyna shaqqandaǵy normatıvtiń yntalandyrýshy komponenti boıynsha tólemderdi, saralanǵan tólemderdi eskere otyryp, ortasha jalaqy (el boıynsha):

• Dáriger– 597 myń teńge;
• Orta medıına qyzmetker – 307 myń teńge boldy.

Al 2023 jyly Qazaqstan boıynsha dárigerlerdiń ortasha jalaqysy qosymsha tólemderdi, aqyly qyzmetterdi, jan basyna shaqqandaǵy normatıvtiń yntalandyrýshy komponenti boıynsha jáne saralanǵan tólemderdi esepke alǵanda 519 myń teńgege teń boldy.

Densaýlyq mınıstrliginiń málimetinshe, dárigerlerdiń aılyǵy qyzmetkerdiń jumys ótiline, biliktiligine, oryndalatyn jumystyń kúrdeliligine, sanyna jáne sapasyna, sondaı-aq eńbek jaǵdaılaryna qaraı saralanyp belgilenedi.

Sondaı-aq vedomstvo ókilderi dárigerlerdiń aılyǵy bir deńgeıde turyp qalmaıtynyn aıtady.

“Ár mamannyń jalaqysy jumys ótiline, bilimine baılanysty ózgerip otyrady. 2023 pen 2024 jyldyń aılyqtarynda esh ózgeris joq. О́ıtkeni bıyl jalaqy áli ósken joq”, – dedi mınıstrlik ókili.

Elimizdiń densaýlyq saqtaý mınıstrligi bul rette, 2024 jylǵa bekitilgen bıýdjettiń shyǵyndarynda medıınalyq qyzmetkerlerdiń jalaqysyn arttyrý kózdelmegenin málimdedi.

Medıına qyzmetkerlerin yntalandyrý maqsatynda 2020–2023 jyl arasynda medıına qyzmetkerleriniń aılyǵy kezeń-kezeńimen kóterildi: dárigerlerdiki – 30%-ǵa, al feldsherlerdiń jalaqysy – 20%-ǵa ósti.