جاڭالىقتار
قازاقستاندىق كاسىپورىنعا 55 ملن تەڭگە ايىپپۇل سالىندى
قاراعاندى وبلىسىنىڭ مامانداندىرىلعان تابيعاتتى قورعاۋ پروكۋراتۋراسى وڭىردەگى ەكولوگيالىق جاعدايدى باقىلاۋ بارىسىندا «گرەس توپار» جشس تاراپىنان زاڭ بۇزۋشىلىقتاردى انىقتادى, دەپ حابارلايدى Qandastar.kz.
توپار كەنتىندە جۇرگىزىلگەن تەكسەرۋ بارىسىندا كاسىپورىننىڭ سۋارۋ جانە كۇل ۇيىندىلەرىنىڭ ۋچاسكەلەرىن كەزەڭ-كەزەڭمەن قۇرعاتۋ كەزىندە ەكولوگيالىق تالاپتاردى ساقتاماۋى سالدارىنان اۋانىڭ شامادان تىس شاڭدانۋى تىركەلدى.
قاراعاندى وبلىسىنىڭ ەكولوگيا دەپارتامەنتىنە «پروكۋراتۋرا تۋرالى» كونستيتۋتسيالىق زاڭنىڭ 26-بابىنا سايكەس تەكسەرۋ جۇرگىزۋ تۋرالى تالاپ جولداندى.
ەكولوگيا دەپارتامەنتى جۇرگىزگەن تەكسەرۋ زاڭ بۇزۋشىلىق فاكتىلەرىن راستادى. كۇل ءۇيىندىسىن رەكۋلتيۆاتسيالاۋ قورشاعان ورتاعا شىعارۋعا رۇقساتسىز جانە مەملەكەتتىك ەكولوگيالىق ساراپتامانىڭ وڭ قورىتىندىسىنسىز جۇرگىزىلگەنى انىقتالدى.
تەكسەرۋ قورىتىندىسى بويىنشا «گرەس توپار» جشس-عا 55 ميلليون تەڭگە ايىپپۇل سالىندى.
