Qazaqstandyq kásiporynǵa 55 mln teńge aıyppul salyndy

Qaraǵandy oblysynyń mamandandyrylǵan tabıǵatty qorǵaý prokýratýrasy óńirdegi ekologııalyq jaǵdaıdy baqylaý barysynda «GRES Topar» JShS tarapynan zań buzýshylyqtardy anyqtady, dep habarlaıdy Qandastar.kz.

Topar kentinde júrgizilgen tekserý barysynda kásiporynnyń sýarý jáne kúl úıindileriniń ýchaskelerin kezeń-kezeńmen qurǵatý kezinde ekologııalyq talaptardy saqtamaýy saldarynan aýanyń shamadan tys shańdanýy tirkeldi.

Qaraǵandy oblysynyń Ekologııa departamentine «Prokýratýra týraly» Konstıtýııalyq zańnyń 26-babyna sáıkes tekserý júrgizý týraly talap joldandy.

Ekologııa departamenti júrgizgen tekserý zań buzýshylyq faktilerin rastady. Kúl úıindisin rekýltıvaııalaý qorshaǵan ortaǵa shyǵarýǵa ruqsatsyz jáne memlekettik ekologııalyq saraptamanyń oń qorytyndysynsyz júrgizilgeni anyqtaldy.

Tekserý qorytyndysy boıynsha «GRES Topar» JShS-ǵa 55 mıllıon teńge aıyppul salyndy.