قازاقستاندىق قىز دۋبايداعى چەمپيوناتتا جۇلدە الدى

فوتو: وبلىستىق ءبىلىم بەرۋ باسقارماسى

ا. بايتۇرسىن ۇلى اتىنداعى مەكتەپتىڭ 4-سىنىپ وقۋشىسى ۆاسيليسا پاۆلوۆسكايا دۋبايدا اشىق سۋدا جۇزۋدەن «Oceanman» الەم چەمپيوناتىنىڭ كۇمىس جۇلدەگەرى اتاندى.ول قازاقستان كومانداسىنىڭ قۇراماسىنىڭ اتىنان تۋرنيردە U11 جانە ودان كىشى ساناتتاعى ۇزدىك وندىققا كىردى, دەپ حابارلادى qandastar.kz سايتى Pavlodarnews.kz-كە سىلتەمە جاساپ.

قىزدىڭ جاتتىقتىرۋشىسى دميتري جەمالۋتدينوۆتىڭ ايتۋىنشا, الەم چەمپيوناتىندا ۇلكەن باسەكەلەستىك سەزىلدى. قارسىلاستار اراسىندا وليمپيادا چەمپيوندارى دا بولدى. ۆاسيليسا ەركىن جۇزۋدە ۆەنەسۋەلالىق فرانچەسكا گارسيادان ارتتا قالىپ, ناتيجەسىندە ەكىنشى ورىندى يەلەندى.

– اشىق سۋداعى جارىستار سپورتشىلار ءۇشىن دە, مەن ءۇشىن دە ناعىز سىناققا اينالدى. 90 ەل اراسىنداعى باسەكەلەستىك كەزىندە دايىندىق, ستراتەگيا ماڭىزدى بولدى. ءبىزدىڭ سپورتشىلار كەرەمەت مىنەز جانە شىدامدىلىقتى كورسەتتى. بۇل ناتيجە ءۇشىن ءبارىمىز بىرگە ەڭبەك ەتتىك, – دەدى دميتري جەمالۋتدينوۆ.

جاس چەمپيون جۇزۋمەن بالا كەزىنەن باستاپ اينالىسادى. جەتى جاسىندا كاسىبي سپورتقا قادام باستى. اشىق سۋداعى جارىستار باسسەينگە قاراعاندا قيىنىراق بولادى. توعانداردا كورۋ شەكتەۋلى, تولقىندار مەن تەمپەراتۋرانىڭ وزگەرۋى كەدەرگى كەلتىرەدى.