Qazaqstandyq qyz Dýbaıdaǵy chempıonatta júlde aldy

Foto: oblystyq bilim berý basqarmasy

A. Baıtursynuly atyndaǵy mekteptiń 4-synyp oqýshysy Vasılısa Pavlovskaıa Dýbaıda ashyq sýda júzýden «Oceanman» álem chempıonatynyń kúmis júldegeri atandy.Ol Qazaqstan komandasynyń quramasynyń atynan týrnırde U11 jáne odan kishi sanattaǵy úzdik ondyqqa kirdi, dep habarlady qandastar.kz saıty Pavlodarnews.kz-ke silteme jasap.

Qyzdyń jattyqtyrýshysy Dmıtrıı Jemalýtdınovtyń aıtýynsha, álem chempıonatynda úlken básekelestik sezildi. Qarsylastar arasynda olımpıada chempıondary da boldy. Vasılısa erkin júzýde venesýelalyq Francheska Garsııadan artta qalyp, nátıjesinde ekinshi oryndy ıelendi.

– Ashyq sýdaǵy jarystar sportshylar úshin de, men úshin de naǵyz synaqqa aınaldy. 90 el arasyndaǵy básekelestik kezinde daıyndyq, strategııa mańyzdy boldy. Bizdiń sportshylar keremet minez jáne shydamdylyqty kórsetti. Bul nátıje úshin bárimiz birge eńbek ettik, – dedi Dmıtrıı Jemalýtdınov.

Jas chempıon júzýmen bala kezinen bastap aınalysady. Jeti jasynda kásibı sportqa qadam basty. Ashyq sýdaǵy jarystar basseınge qaraǵanda qıynyraq bolady. Toǵandarda kórý shekteýli, tolqyndar men temperatýranyń ózgerýi kedergi keltiredi.