Qazaqstandyq seısmologtar Almatyda bir aıda 8 myńnan astam jer silkinisin tirkedi

Seısmologııalyq baqylaýlar jáne zertteýler ulttyq ǵylymı ortalyǵynyń dırektory Dáýlet Sársembaevtyń aıtýynsha, búgingi jer silkinisi kezekti dúmpý boldy. «Búgin saǵat 10:15-te jer silkinisi tirkeldi. Birden aıta keteıin, bul jer silkinisiniń dúmpýi. 23 qańtardan bastap, búginge deıin bizdiń seısmıkalyq stanııalar 8 myńnan astam jer silkinisi dúmpýin tirkedi. Onyń 100-den astamy magnıtýdasy 5 jáne odan da kóp. Al ońtústik astana turǵyndary men qonaqtarǵa osynyń 20-sy ǵana sezildi. Dúrbeleńge negiz joq», — dedi Seısmologııalyq baqylaýlar jáne zertteýler ulttyq ǵylymı ortalyǵynyń dırektory Dáýlet Sársembaev. Almaty qalasy Tótenshe jaǵdaılar departamentiniń habarlaýynsha, jer silkinisinen keıin aýmaqtardyń zaqymdanýy, sondaı-aq tirshilikti qamtamasyz etý nysandarynyń jumysy baqylaýǵa alyndy. Monıtorıng nátıjesi boıynsha jaǵdaı turaqty, barlyǵy qalypty jumys istep jatqany atap ótildi.