Qazaqstandyq sportshylarǵa endi boqtyq sóz aıtýǵa jáne dinı senimin ashyq kórsetýge tyıym salynady

Foto: Vesti.kz

Qazaqstandaǵy sportshylarǵa, jattyqtyrýshylarǵa jáne sport tóreshilerine balaǵat sózder aıtýǵa jáne ózderiniń dinı senimderin kórsetýge tyıym salyndy, dep jazdy qandastar.kz

Sondaı-aq basqalardy dinı birlestikterge qatysýǵa jáne mıssıonerlik qyzmetpen aınalysýǵa májbúrleýge tyıym salynady. Bul týraly Stan.kz aqparat agenttigi habarlaıdy.

Týrızm jáne sport mınıstri Erbol Myrzabosynov 27 maýsymdaǵy «Qazaqstan Respýblıkasynyń sporttyq etıkasyn bekitý týraly» buıryǵyn jarııalady.

«Sporttyq etıka» qujatynda eki bólim bar: jalpy erejeler men minez-qulyq erejeleri. Birinshi bólimde jattyqtyrýshy, tóreshi, jarys, sporttyq is-shara, sonymen qatar sporttyq etıka anyqtalady. Sońǵysy sportshylardyń, jattyqtyrýshynyń, jattyqtyrýshy-oqytýshynyń jáne sport tóreshileriniń minez-qulyq erejeleri.

Ekinshi bólim minez-qulyq erejelerin retteıdi.

“Sportshylarǵa balaǵat sózder aıtýǵa, jattyǵý týraly aqparatty jarııalaýǵa, Qazaqstannyń bedeline nuqsan keltirýge, bireýdi qorqytýǵa tyıym salynady. Sportshylar qoǵamǵa jat áreketterden, sonyń ishinde qoǵamdyq oryndarda mas bolýdan aýlaq bolýy kerek. Qazaqstannyń atynan qatysatyn sportshylar qarsylastardy, kórermenderdi, uıymdastyrýshylardy, eriktilerdi qurmetteýge, kemsitýshilik pen saıası demonstraııalarǵa jol bermeýi kerek. Sportshylar ánurandy oryndaý kezinde etıkalyq normalardy saqtaýǵa, tóreshilerdiń sheshimin qurmetteýge, qoǵamdyq daýlardan aýlaq bolýǵa, BAQ ókilderimen syılastyq qarym-qatynasta bolýǵa jáne basqa sportshylarǵa úlgi bolýǵa tıis”, – delingen erejelerde.

Qujat jarııalanǵannan keıin 10 kún ótken soń kúshine enedi.