ءبىلىم
قازاقستاندىق ستۋدەنتتەر NASA عارىشتىق قوسىمشالار بايقاۋىندا ءوز جوبالارىن ۇسىنادى
فوتو: وقۋ اعارتۋ مينيسترلىگى
اتالعان دودادا قازاقستان نامىسىن پاۆلودار اقپاراتتىق تەحنولوگيالار كوللەدجىنىڭ ستۋدەنتتەرى رومان ۋستيمەنكو, جان بەيسەكەەۆ جانە ا.بايتۇرسىنوۆ اتىنداعى مەكتەپ وقۋشىسى يگور مارتىنيۋك قورعايدى, دەپ جازادى qandastar.kz
وڭىرلىك كەزەڭنىڭ قورىتىندىسى بويىنشا ولار الەمنىڭ 152 ەلىنەن قاتىسقان 8715 كوماندا اراسىنان سۋىرىلىپ شىعىپ, NASA-نىڭ «SPACE APPS CHALLENGE-2024» عارىشتىق قوسىمشالار بايقاۋىنىڭ جاھاندىق نومينانتتارى اتاندى.
ەندى قازاقستاندىقتاردىڭ جوبالارى NASA ساراپشى تورەشىلەر توبى جانە جاھاندىق فيناليستەردى انىقتايتىن سەرىكتەس عارىش اگەنتتىكتەرىنىڭ قاراۋىنا ۇسىنىلادى.
ايتا كەتەيىك, الەم بويىنشا 8,7 مىڭ كوماندانىڭ اراسىنان تەك 940 كوماندا قازىلار القاسى تاراپىنان ىرىكتەلگەن بولاتىن جانە ونىڭ ىشىندە ەكى قازاقستاندىق كوماندا بار.
