Шымкентте ата-анасы бар оқушы қыздар белгісіз мекеменің қамқорлығында болған

Оқушылардың алды мекемеде 3 жыл, ал кейін келгені 3 ай тұрған.

Мамандардың айтуынша, қор балалар мен жасөсіпірмдерге тәлім-тәрбие беру құқына ие емес. Қазір арнайы комиссия құрылып, қайырымдылық қордың нақты немен айналысқаны тексеріліп жатыр.

«Мекеме басшылығы бұл мәселені білген. Анықталғаннан кейін бірінші басшысы, директордан бастап қатаң жауапкершілікпен қарадық. Одан кейін мәліметтерді жасыру фактісі бойынша тәрбие, оқу ісі жөніндегі орынбасарлары, сынып жетекші — бәрінің жауапкершілігі қаралды».Шымкент білім басқармасының бөлім басшысы Нұрдәулет Абылаев

Заңсыздық анықталған соң қайырымдылық қорын паналаған 33 қыз Шымкенттегі уақытша оқшаулау және бейімдеу орталығына ауыстырылды. Оқушылардың барлығы дерлік №24 мектепте білім алып келген.

Zakon.kz жазғандай, мектеп басшылығы мен ұстаздар оқушылардың өз үйінде тәрбие алмайтынын білген, алайда ешкім тиісті орындарға хабарламапты. Енді балаларды қамқорсыз қалдырған ата-аналар мен ұстаздардың жауапкершілігі қаралады.