شىمكەنتتە اتا-اناسى بار وقۋشى قىزدار بەلگىسىز مەكەمەنىڭ قامقورلىعىندا بولعان

وقۋشىلاردىڭ الدى مەكەمەدە 3 جىل, ال كەيىن كەلگەنى 3 اي تۇرعان.

مامانداردىڭ ايتۋىنشا, قور بالالار مەن جاسوسىپىرمدەرگە ءتالىم-تاربيە بەرۋ قۇقىنا يە ەمەس. قازىر ارنايى كوميسسيا قۇرىلىپ, قايىرىمدىلىق قوردىڭ ناقتى نەمەن اينالىسقانى تەكسەرىلىپ جاتىر.

«مەكەمە باسشىلىعى بۇل ماسەلەنى بىلگەن. انىقتالعاننان كەيىن ءبىرىنشى باسشىسى, ديرەكتوردان باستاپ قاتاڭ جاۋاپكەرشىلىكپەن قارادىق. ودان كەيىن مالىمەتتەردى جاسىرۋ فاكتىسى بويىنشا تاربيە, وقۋ ءىسى جونىندەگى ورىنباسارلارى, سىنىپ جەتەكشى — ءبارىنىڭ جاۋاپكەرشىلىگى قارالدى».شىمكەنت ءبىلىم باسقارماسىنىڭ ءبولىم باسشىسى نۇرداۋلەت ابىلاەۆ

زاڭسىزدىق انىقتالعان سوڭ قايىرىمدىلىق قورىن پانالاعان 33 قىز شىمكەنتتەگى ۋاقىتشا وقشاۋلاۋ جانە بەيىمدەۋ ورتالىعىنا اۋىستىرىلدى. وقۋشىلاردىڭ بارلىعى دەرلىك №24 مەكتەپتە ءبىلىم الىپ كەلگەن.

Zakon.kz جازعانداي, مەكتەپ باسشىلىعى مەن ۇستازدار وقۋشىلاردىڭ ءوز ۇيىندە تاربيە المايتىنىن بىلگەن, الايدا ەشكىم ءتيىستى ورىندارعا حابارلاماپتى. ەندى بالالاردى قامقورسىز قالدىرعان اتا-انالار مەن ۇستازداردىڭ جاۋاپكەرشىلىگى قارالادى.