Qazaqstandyq tanymal bıznesmen Nurbek Oralbaıǵa syılyq jasady

Foto: instagram.com / almaszhali

Jas kásipker, prodıýser Almas Jalı Olımpıadada bokstan kúmis júldeger atanǵan Nurbek Oralbaıǵa altyn saǵat syılady, dep habarlaıdy Qaz365.kz.

«Kezinde Almas Italııada lıenzııalyq jarysta Olımpıadada altyn bolsa, óte qymbat altyn saǵat syılaımyn dep ýáde etken. Nurbek altynǵa sál jetpeı qaldy. Endi Los-Andjeleste altyn alamyn dep sóz berip otyr», – deıdi Parıjge barǵan Májilis depýtaty Rýslan Berdenov.

Aıta keteıik, buǵan deıin otandyq kásipkerler Olımpıada chempıony atanǵan Eldos Smetovke, júldeger Ǵusman Qyrǵyzbaevqa avtokólik pen úıir jylqy syılaǵan edi.

Eske salaıyq, bokstan 80 kelige deıingi salmaqta baq synaǵan qazaq boksshysy Nurbek Oralbaı Parıj Olımpıadasynyń kúmis júldegeri atanǵan bolatyn.