Qazaqstandyqtar aqshasynyń kóp bóligin azyq-túlikke jumsaıdy

Qazaqstandyqtardyń aqshasynyń kóp bóligin azyq-túlikke jumsaıtyn bolyp shyqty – toqsanyna 142 169 teńge, azyq-túlikke jatpaıtyn taýarlarǵa – 66 268 teńge, aqyly qyzmetterge – 48 250 teńge jaratqan.

Ulttyq statıstıka bıýrosynyń aqparaty boıynsha, 2023 jyldyń IV toqsanynda bir qazaqstandyqtyń shyǵyny 277 202 teńge nemese aıyna 92,4 myń teńge bolǵan. Bul ótken jylǵy osy kezeńmen salystyrǵanda 12,3 paıyzǵa joǵary

Azyq-túlik pen alkogolsiz sýsyndardarǵa bir qazaqstandyq 129 953 teńge tóleıdi eken, syrttan tamaqtanýǵa – 6070 teńge, alkogoldik sýsyndarǵa – 1766 teńge, temeki ónimderine – 3970 teńge tóleıdi.

Ortasha alǵanda, elimizdiń bir turǵyny toqsanyna 14 819 teńgeni nesıe men qaryzdy óteýge, 5362 teńgeni alımentke, 334 teńgeni salyq pen basqa da tólemderge jaratady.

Shyǵyny eń kóp elorda turǵyndary bolyp shyqty. Bir astanalyq toqsan ishinde 366 345 teńge jumsaǵan, ıaǵnı bul aıyna – 122 115 teńge. Odan keıingi orynda almatylyqtar men Qaraǵandy oblysynyń turǵyndary tur.