Qazaqstandyqtar aýylda turǵysy kelmeıdi: Eki jylda el kartasynan 80 aýyl joǵalyp ketken

Foto: ashyq derekkóz

Dóńgelek ústel barysynda depýtat Jıgýlı Daırabaev eki jyl ishinde Qazaqstan kartasynan 80 aýyl joǵalyp ketkenin málimdedi, dep jazdy qandastar.kz

Bul týraly Stan.kz aqparat agenttigi habarlaıdy.

Májilismen resmı derekterge súıene otyryp, ótken jyldyń 1 qazanyndaǵy jaǵdaı boıynsha aýyldyq jerlerde Qazaqstan halqynyń 37,2 paıyzy turatynyn aıtty.

«Jyl saıyn bul kórsetkish tómendep keledi. Búgingi tańda Qazaqstanda 6208 aýyl bar. Al 2023 jyly 6286 aýyl bolǵan. Osylaısha, eki jyldyń ishinde 80 aýyl joǵalyp ketti. Ulttyq statıstıka bıýrosynyń derekterine sáıkes, ótken jyly qazaqstandyq aýyldardaǵy halyqtyń kóshi-qon saldosy mınýs 111 400 adamdy qurady», — dep atap ótti Daırabaev.

Depýtattyń aıtýynsha, bul sońǵy 25 jyldaǵy eń tómengi kórsetkish.

«Almaty jáne Atyraý oblystaryn qospaǵanda, barlyq óńirlerde kóshi-qon saldosy nóldik belgiden tómen boldy. 29,2 myń adam ketken Túrkistan oblysyndaǵy jaǵdaı erekshe alańdaýshylyq týǵyzýda», — dedi májilismen.