قازاقستاندىقتار ەندى تانىمال كوفەحانا جەلىسىنەن قازاق ءتىلىن تالاپ ەتىپ جاتىر

فوتو:ياندەكس

Starbucks كوفەحانالار جەلىسى دە قازاقستاندىقتاردىڭ سىنىنا قالدى, دەپ حابارلايدى qandastar.kz.

استانا تۇرعىنى Threads الەۋمەتتىك جەلىسىندە ءوز وقيعاسىن ايتىپ, مەكەمە قىزمەتكەرلەرىنىڭ قازاق ءتىلىن بىلمەيتىنىنە نارازىلىعىن ءبىلدىردى. جازبا تەز تارالىپ, پىكىرتالاس تۋدىردى.

كەشە مەن Talan Towers-تەگى Starbucks-قا باردىم. كاسسادا ءبىر قازاق جىگىتى تۇر ەكەن. كوفەگە قازاق تىلىندە تاپسىرىس بەردىم, تۇسىنبەدى. وسىنشاما ءىرى كومپانيانىڭ جۇمىسشىلارى قازاق ءتىلىن بىلمەيتىنىنە تاڭ قالدىم. باسشىلىق نەگە مەملەكەتتىك ءتىلدى ءبىلۋدى تالاپ ەتپەيدى? — دەدى اۆتور.

Skifnews.kz اقپارات پورتالى جازعانداي, قازاقستاندىقتار 2gis-تەگى كوفەحانا مەكەن جايىنا پىكىر قالدىرىپ, قازاق تىلىندە قىزمەت ەتۋدى تالاپ ەتىپ جاتىر.

«تەك قازاقشا قىزمەت ەتىڭدەر», «قازاقستاندا تۇرىپ, ورىسشا سويلەي مە», — دەگەن سىندى بىرنەشە پىكىر قالدىرعان.